بلا لو سرکار اپنے در پر درود تم پر سلام تم پر
بلا لو سرکار اپنے در پر درود تم پر سلام تم پر
کرم ہو مجھ پر بھی بندہ پرور درود تم پر سلام تم پر
دہن ہے سر چشمۂ صداقت زباں ہے گنجینۂ فصاحت
لبوں پر قربان موج کوثر درود تم پر سلام تم پر
تمہیں ہو شمع حریم داور درود تم پر سلام تم پر
ہیں تم سے دو جہاں منور درود تم پر سلام تم پر
گزر ہو گیا جانب مدینہ تو مری جانب سے با قرینہ
یہ عرض کرنا صبا مکرر درود تم پر سلام تم پر
پھر اور اب کس کے در پہ جائیں کسے غم زندگی سنائیں
تمہیں ہو جب بیکسوں کے یاور درود تم پر سلام تم پر
راہ ہدیٰ سے ہٹائے گا کیا زمانہ اس کو مٹائے گا کیا
تمہاری سیرت ہو چکی رہبر درود تم پر سلام تم پر
کبھی تو آئے گا وہ زمانہ کبھی تو ہوگا مدینہ جانا
پڑھوں گا روضہ پر سر جھکا کر درود تم پر سلام تم پر
جو قبر سے اٹھوں روز محشر یہی ہو نغمہ حیاتؔ لب پر
شفیع محشر قسیم کوثر درود تم پر سلام تم پر
- کتاب : تذکرہ شعرائے وارثیہ (Pg. 172)
- مطبع : فائن بکس پرنٹرس (1993)
- اشاعت : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
