salaamii fazl-e-KHudaa faiz-e-mustafaa hogaa

salaamii fazl-e-KHudaa faiz-e-mustafaa hogaa

jahaa.n bhii tazkira-e-shaah-e-karbalaa hogaa

kahaa ye shah ne zamii.n karbalaa kii jab dekhii

usii zamii.n pe adaa sajda-e-vafaa hogaa

vatan se duur luTaa jis tarah husain kaa ghar

na ab jahaa.n me.n ko.ii aisaa vaaqi'a hogaa

giraa jo hogaa zamii.n par sar-e-husain se KHuu.n

to karbalaa kaa har ik zarra kaa.np uThaa hogaa

imaam laate hai.n KHeme me.n laash-e-akbar ko

ziyaada is se ko.ii aur ra.nj kyaa hogaa

shahaadat-e-'alii asGar ko dekh kar ran me.n

har ek saahib-e-aulaad ro diyaa hogaa

piyegaa jo bhii mai-e-hubb-e-panjatan 'maikash'

usii ke haath me.n jaam-e-KHudaa-numaa hogaa

salaamii fazl-e-KHudaa faiz-e-mustafaa hogaa

jahaa.n bhii tazkira-e-shaah-e-karbalaa hogaa

kahaa ye shah ne zamii.n karbalaa kii jab dekhii

usii zamii.n pe adaa sajda-e-vafaa hogaa

vatan se duur luTaa jis tarah husain kaa ghar

na ab jahaa.n me.n ko.ii aisaa vaaqi'a hogaa

giraa jo hogaa zamii.n par sar-e-husain se KHuu.n

to karbalaa kaa har ik zarra kaa.np uThaa hogaa

imaam laate hai.n KHeme me.n laash-e-akbar ko

ziyaada is se ko.ii aur ra.nj kyaa hogaa

shahaadat-e-'alii asGar ko dekh kar ran me.n

har ek saahib-e-aulaad ro diyaa hogaa

piyegaa jo bhii mai-e-hubb-e-panjatan 'maikash'

usii ke haath me.n jaam-e-KHudaa-numaa hogaa