raat ko ham jalva-e-nuur-e-kHudaa dekhaa kiye

raat ko ham jalva-e-nuur-e-kHudaa dekhaa kiye

ghar me.n apne aamad-e-kHair-ul-varaa dekhaa kiye

ba.ad-e-murdan kaam aa.ii hai vilaa-e-ahl-e-bait

qabr me.n jalvo.n kaa ham ik silsila dekhaa kiye

puuchhte hai.n kyaa bhalaa aa kar farishte qabr me.n

mere siina par vo KHaak-e-karbalaa dekhaa kiye

naa-samajh thaa khaa gayaa dhokaa nasiirii 'ishq me.n

ham rukH-e-haidar me.n nuur-e-kibriyaa dekhaa kiye

bhar ke daaman me.n farishte le ga.e ashk-e-azaa

ye guhar jannat me.n saare ambiyaa dekhaa kiye

hukm se rahmat ke ham pahu.nche dar-e-firdaus par

kaatib-e-aa'maal KHud apnaa likhaa dekhaa kiye

nii.nd kaisii kaisii raahat raat-bhar ansaar-e-shah

dhaar me.n talvaar kii aab-e-baqaa dekhaa kiye

uTh ga.e naanaa jo duniyaa se navaase roz-o-shab

badlii-badlii sii zamaane kii havaa dekhaa kiye

barq kii tezii thii yaa josh-e-vilaa-e-shaah thaa

jannatii hur ho gayaa mu.nh ashqiyaa dekhaa kiye

ye jihaad-e-nafs kii manzil thii majbuurii na thii

chaadare.n chhintii rahii.n zain-ul-’ibaa dekhaa kiye

jaa ke mimbar par pa.Dhii kiyaa nazm tuune ai ‘jadiid’

mu.nh tiraa hairat se sab ahl-e-'azaa dekhaa kiye

raat ko ham jalva-e-nuur-e-kHudaa dekhaa kiye

ghar me.n apne aamad-e-kHair-ul-varaa dekhaa kiye

ba.ad-e-murdan kaam aa.ii hai vilaa-e-ahl-e-bait

qabr me.n jalvo.n kaa ham ik silsila dekhaa kiye

puuchhte hai.n kyaa bhalaa aa kar farishte qabr me.n

mere siina par vo KHaak-e-karbalaa dekhaa kiye

naa-samajh thaa khaa gayaa dhokaa nasiirii 'ishq me.n

ham rukH-e-haidar me.n nuur-e-kibriyaa dekhaa kiye

bhar ke daaman me.n farishte le ga.e ashk-e-azaa

ye guhar jannat me.n saare ambiyaa dekhaa kiye

hukm se rahmat ke ham pahu.nche dar-e-firdaus par

kaatib-e-aa'maal KHud apnaa likhaa dekhaa kiye

nii.nd kaisii kaisii raahat raat-bhar ansaar-e-shah

dhaar me.n talvaar kii aab-e-baqaa dekhaa kiye

uTh ga.e naanaa jo duniyaa se navaase roz-o-shab

badlii-badlii sii zamaane kii havaa dekhaa kiye

barq kii tezii thii yaa josh-e-vilaa-e-shaah thaa

jannatii hur ho gayaa mu.nh ashqiyaa dekhaa kiye

ye jihaad-e-nafs kii manzil thii majbuurii na thii

chaadare.n chhintii rahii.n zain-ul-’ibaa dekhaa kiye

jaa ke mimbar par pa.Dhii kiyaa nazm tuune ai ‘jadiid’

mu.nh tiraa hairat se sab ahl-e-'azaa dekhaa kiye