تاجدار مدینہ کو میرا سلام
چار یار مدینہ کو میرا سلام
جس کے جلووں سے ہر دل منور ہوا
اس دیار مدینہ کو میرا سلام
جس کی خوشبو میں گم ہے یہ سارا جہاں
اس بہار مدینہ کو میرا سلام
جس کی حسرت مرے دل میں ہر دم رہے
اس نگار مدینہ کو میرا سلام
رونے والے جسے دیکھ کر کھل اٹھے
غمگسار مدینہ کو میرا سلام
جس کی آمد پہ طیبہ مدینہ ہوا
شاہکار مدینہ کو میرا سلام
ان کے تلووں کے نیچے جو آیا مبینؔ
اس غبار مدینہ کو میرا سلام
مأخذ :
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
