تم پہ لاکھوں سلام ابن حیدر سرور ابنیا کے نواسے

تم پہ لاکھوں سلام ابن حیدر سرور ابنیا کے نواسے

دم بہ دم یہ صدا آرہی ہے آج بھی مقتل کربلا سے

تم نے اپنا لہو بھر دیا ہے دین کو سر خرو کردیا ہے

ورنہ اسلام بے رنگ ہوتا رنگ نکھرا ہے خون وفا سے

گھر کو راہ خدا میں لٹا کر اور سجدے میں سر کو کٹا کر

تم نے پورا کیا ہے وہ وعدہ جو کیا تھا حبیب خدا سے

یہ بھی امت کے خاطر سبق ہے اور ہدایت کا زرّیں ورق ہے

ورنہ تسنیم وکوثر کے مالک دشت کرب و بلا میں ہوں پیاسے

زندگی راہ حق میں مٹانا پیشِ باطل نہ سر کو جھکانا

یہ بھی پیغام ہم کو ملا ہے اے صباؔ دین کے رہنما سے