سراپا تم رحمت_خدا ہو درود تم پر سلام تم پر
سراپا تم رحمت خدا ہو درود تم پر سلام تم پر
امیں ہو صادق ہو با صفا ہو درود تم پر سلام تم پر
تم ابتدا ہو تم انتہا ہو درود تم پر سلام تم پر
حضور تم شان کبریا ہو درود تم پر سلام تم پر
تمہیں دو عالم کا مدعا ہو درود تم پر سلام تم پر
حبیب حق سید الوریٰ ہو درود تم پر سلام تم پر
پیام راحت ہو دل کشا ہو تمہیں دعا تمہیں دوا ہو
تمہیں کرم ہو تمہیں عطا ہو درود تم پر سلام تم پر
فروغ جلوہ ہو حق نما ہو جمال حق کا اک آئینہ ہو
ہزاروں پردوں میں رونما ہو درود تم پر سلام تم پر
تمہیں تسلی بے نوا ہو تمہیں غریبوں کا آسرا ہو
تمہیں رسولوں کے پیشوا ہو درود تم پر سلام تم پر
قبول یا رب مری دعا ہو در نبی پہ جو سر جھکا ہو
تو لب پہ ستارؔ کے صدا ہو درود تم پر سلام پر پر
- کتاب : معطر معطر (Pg. 9)
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
