سلام اے خاتم_دور_رسولاں یا_رسول_اللہ
سلام اے خاتم دور رسولاں یا رسول اللہ
سلام اے قاسم جنت بداماں یا رسول اللہ
سلامی کے لیے لاکھوں فدائی در پہ حاضر ہیں
کروڑوں کو سلامی کا ہے ارماں یا رسول اللہ
سلام اول در پر نور پر حجاج کا سنیے
کہ میں سرکار والا کے وہ مہماں یا رسول اللہ
در اقدس پہ ہے جن کو سلامی کا شرف حاصل
ہیں اپنی خوش نصیبی پر وہ نازاں یا رسول اللہ
کرم کے مستحق ہیں دور افتادہ فدائی بھی
کہ ہیں مدت سے وقف درد ہجراں یا رسول اللہ
مدینہ میں طلب فرمائیے ان خستہ جانوں کو
جنہیں ہے آستاں بوسی کا ارماں یا رسول اللہ
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
