سلام اے مرشد_کامل سلام اے نور_یزدانی

سلام اے مرشد کامل سلام اے نور یزدانی

شفا الملک لا ثانی طبیب مرض روحانی

سلام اے شیخ لا ثانی سلام اے قبلۂ ایمانی

سلام اے سر یزدانی سلام اے نور سبحانی

سلام اے خلق رحمانی سلام اے شکل نورانی

سلام اے حسن جیلانی سلام اے شاہ عرفانی

سلام اے رہبر کامل سلام اے ہادیٔ امت

سلام اے وارث دین متیں اے رہبر ملت

سلام اے قادری چشتی نیازی معرفت گیری

سلام اے بوالعلائی عارفی حسنی جہانگیری

شریفؔ بے نوا کو دیجیے قدموں میں جا آقا

مرے مرشد مرے مالک مرے مولیٰ مرے داتا