عارف_رہنما کا صندل ہے

عارف رہنما کا صندل ہے

صادق بے ریا کا صندل ہے

مونس اللہ ہمدم اللہ

مرشد و پیشوا کا صندل ہے

رہبر خلق و عاشق اللہ

سید دوسرا کا صندل ہے

کاشف سر سر پنہاں کا

ہادی راہ ہدیٰ کا صندل ہے

سب خلائق پہ ہوئے ظاہر یہ

کامل اولیا کا صندل ہے

واقف سر سر کن فیکون

سایۂ اصطفا کا صندل ہے

مظہر ذات جامع برکات

واقف اینما کا صندل ہے

فیض سے اس کے سب جہان روشن

رہنمائے خدا کا صندل ہے

عارف بے بہا جہاں کے بیچ

تاج فقر و فنا کا صندل ہے

نیک و بد کو وہ جانتا حق سے

شاہ صبر و رضا کا صندل ہے

ذرہ ذرہ ہے اس پہ روشن سب

عالم انما کا صندل ہے

رہبر خلق حق کی جانب سے

شیخ و ہادی علا کا صندل ہے

خلق کی جمع کے ہے باعث یہ

کاج بہ اولیا کا صندل ہے

منتظر سب کھڑے ہیں صندل کے

کہ چراغ ہدا کا صندل ہے

اصدقؔ یہ غلام صادق ہے

اس کے یہ مہتدا کا صندل ہے