شعر

کسی کی تیغ ادا نے قضا کا کام کیا
ہمیں تمام کیا اپنا خوب نام کیا

امیر بخش صابری

شعر

غیر جوہر نہیں اعراض سے ان کو کچھ کام
رنگ وبو پر نہیں صاحب نظراں جاتے ہیں

میر محمد بیدار

شعر

دین و مذہب سے ترے عاشق کو اب کیا کام ہے
وہ سمجھتا ہی نہیں کیا کفر کیا اسلام ہے

عرفان اسلام پوری

شعر

کچھ آرزو سے کام نہیں عشقؔ کو صبا
منظور اس کو ہے وہی جو ہو رضائے گل

خواجہ رکن الدین عشقؔ

شعر

اللہ اگر توفیق نہ دے انسان کے بس کا کام نہیں
فیضان محبت عام سہی عرفان محبت عام نہیں

جگر مرادآبادی

شعر

بحر الفت میں نہیں کشتی کا کام
نوح سے کہہ دو یہ طوفاں اور ہے

امیر مینائی

شعر

حرم ہے جائے ادب کام دے گی جنت میں
فرشتو طاق سے بوتل ذرا اٹھا دینا

ریاض خیرآبادی

شعر

یاں تغافل میں اپنا کام ہوا
تیرے نزدیک یہ جفا ہی نہیں

خواجہ میر اثر

شعر

کام کچھ تیرے بھی ہوتے تیری مرضی کے خلاف
ہاں مگر میرے خدا تیرا خدا کوئی نہیں

پرنم الہ آبادی

شعر

کام کعبہ سے نہ ہے نے دیر سے
دین و ایمان یاں برادر اور ہے

مردان صفی

شعر

شاید کہ یہی آنسو کام آئیں محبت میں
ہم اپنی متاع غم برباد نہیں کرتے

فنا نظامی کانپوری

شعر

شاید کہ یہی آنسو کام آئیں محبت میں
ہم اپنی متاع غم برباد نہیں کرتے

فنا نظامی کانپوری

شعر

ایسے نٹھر سے کام پڑو ہے
آنکھ لگائے میں جی سو گئی

شاہ تراب علی قلندر

شعر

ہم گرفتاروں کو اب کیا کام ہے گلشن سے لیک
جی نکل جاتا ہے جب سنتے ہیں آتی ہے بہار

مرزا مظہر جان جاناں

شعر

مجھ سے لگے ہیں عشق کی عظمت کو چار چاند
خود حسن کو گواہ کئے جا رہا ہوں میں

جگر مرادآبادی

شعر

کم نہیں گلشن میں شبنم گل بدن گل پیرہن
غسل کر مل مل کے گر آب رواں ملتا نہیں

شعر

قاتل کو ہے زعم چارہ گری اب درد نہاں کی خیر نہیں
وہ مجھ پے کرم فرمانے لگے شاید مری جاں کی خیر نہیں

شکیل بدایونی

شعر

کم نہیں گلشن میں شبنم گل بدن گل پیرہن
غسل کر مل مل کے گر آب رواں ملتا نہیں

اکبر وارثی میرٹھی

شعر

رک گئے آنسو مرے درد جگر کچھ کم ہوا
اس بت سیمیں بدن کا جب نظارہ ہو گیا

سنجر غازیپوری

شعر

جا کو کوئی پکڑے تو کیسے کام کرت ہے نظر نہ آئے
چپکے چپکے سیندھ لگاوے دن ہووے یا اندھیری رتیاں

عبدالہادی کاوش