سورج کی کرن یا کاہکشاں یا عقد_ثریا سہرا ہے

سورج کی کرن یا کاہکشاں یا عقد ثریا سہرا ہے

اک نور کا پتلا دولہا ہے اک نور سراپا سہرا ہے

بہتر و برتر افضل و اعلیٰ محبوب دل آرا سہرا ہے

دنیا کی نگاہیں کیوں نہ پڑیں دنیا سے نرالا سہرا ہے

سہرے کی چمک مکھڑے کی دمک نزہت کے پردوں میں

سہرے میں دمکتا ہے مکھڑا مکھڑے پہ چمکتا سہرا ہے

طرۂ پرپیچ اور عمامہ بدھی مہدی کنگنا غازہ

دولہا ہے مرصع سر تا پا ایسا ہی اس کا سہرا ہے

بیدمؔ اسے گوندھ کے لایا ہے گلہائے مضامیں چن چن کر

پھولوں کا نہیں موتی کا نہیں گلہائے سخن کا سہرا ہے