رخ_نوشاہ قرآں ہے تو بسم_اللہ کا سہرا

رخ نوشاہ قرآں ہے تو بسم اللہ کا سہرا

خدا رکھے اچھوتا ہے مرے نوشاہ کا سہرا

اسے جبریل لائے گندھا کر باغ رضواں سے

محمدؐ مصطفیٰؐ طیبہ کے شاہنشاہ کا سہرا

قبائے مصطفیٰؐ جامہ ہے انوار الٰہی کا

جلال اللہ کا مقنع جمال اللہ کا سہرا

بھلی ساعت سے مالن نے اسے نوشہ کے باندھا ہے

خدا کے فضل سے نام رسول اللہ کا سہرا

یہ بیدمؔ آج کیسی روشنی پھیلی ہے محفل میں

دولہن دولہا کا سہرا ہے کہ مہر و ماہ کا سہرا