خوش ہو اے دہر کہ ہے آج ترے سر سہرا

خوش ہو اے دہر کہ ہے آج ترے سر سہرا

آج باندھے نظر آیا میرا اختر سہرا

یہ شبِ وصل شبِ قدر شب اسریٰ ہے

آج کی رات بندھا ہے ترے سر پر سہرا

آج زیبا ہے فلک پر جو زمیں ناز کرے

چرخ پر کاہکشاں ہے تو زمیں پر سہرا

آج یہ لازم وملزوم نظر آتے ہیں

حسن سہرے کی پھبن حسن کا زیور سہرا

تیرے رہ رہ کے دمکتے ہوئے چہرے کی قسم

شجر طورِ تجلّی ہے سراسر سہرا

غالبؔ و ذوقؔ مرے سہرے پہ فرماتے ہیں

سچ ہے بیخودؔ یوں ہی کہتے ہیں سخنور سہرا