Sufinama

تیجی سیہرفی (سسی پنوں وچوں)

ہاشم شاہ

تیجی سیہرفی (سسی پنوں وچوں)

ہاشم شاہ

MORE BYہاشم شاہ

    1

    ،علف آ مائی ! ویکھیں حاَل میرا

    دکھاں گھیریا آن نمانیاں نوں ۔

    ،پنوں باجھ بھمبور ویران دسدا

    روواں ہوتاں دے دیکھ ٹکانیاں نوں ۔

    ،جے میں جاندی پنوں نے لدّ جانا

    میں تاں لانودی بھاه پلانیاں نوں ۔

    ،ہاشم شاه' میاں ہوتاں قہر کیتا'

    مٹھی جانودی درد رنجانیاں نوں ۔

    (بھاه=اگّ)

    19

    ! غین غرض میری ہوتاں نال مائی

    اونھاں باجھ ناہیں کجھ بھانودا ای ۔

    ،نہیں جاندی ساں مائی ! سسڑی نوں

    پنوں عشقَ پیا تن کھانودا ای ۔

    ،رہی سدھ نہ بدھ جہان دی نی

    مینوں تپی نوں پیا تپانودا ای ۔

    ،ہاشم شاه' میاں سسی تاہیں بچے'

    پنوں آئکے مکھ وکھانودا ای ۔ 19 ۔

    20

    ،فے فکر تیرا پنوں یار والا

    دھیے ! نت پیا مینوں ماردا ای ۔

    ،ہٹ ہٹ رہی تینوں ہوڑدی ساں

    پیا جیو تیرا مینوں ساڑدا ای ۔

    ،چھپ لک کے دکھ نباہیئے نی

    نیہ ہّڈ پیا برے حاَل دا ای ۔

    ،ہاشم شاه' میاں خبر سوئی ہوسی'

    ہوسی، دھروں حکم جویں کرتار دا ای ۔ 20 ۔

    21

    ،قاف قہر کیتا میرے نال ہوتاں

    ! ہو گیا ہے بے پرواه مائی

    ،مینوں سڑی نوں پھیر کی ساڑنی ہیں

    ! تینوں ترس نہیں گھر جاه مائی

    ،جاساں ہوت دے کھوج ڈھونڈیدڑی میں

    ! گھر بار تھوں آسرا لاه مائی

    ،ہاشم شاه' میاں ایہہ عرض میری'

    سچے ربّ دی دھر درگاه مائی ۔ 21 ۔

    22

    ،قاف کیچ مکان دے پندھ پئی

    ! وتِ جیونے تے ہتھ دھوئ مئیے

    ،لکھ آفتاں راه مسافراں نوں

    ! تیری وات ن پچھسی کوئِ مئیے

    ،بیلے بار اگے تیرا کون بیلی

    ! کدی سمجھ ندان ن ہوئِ مئیے

    ،ہاشم شاه' بلوچاں دا دکھ کیہا'

    لکھے اپنے نوں بہہ روئِ مئیے ! 22 ۔

    23

    ،لام لگڑی بھاه پریم دی نی

    مائی ! ہوت گئے ساڑ بال مینوں ۔

    ،ہائِ ہائِ ! وچھوڑا پنوں یار والا

    مائی ! نہیں سی خواب خیال مینوں ۔

    ،جیہڑی ربّ بھاوے اہا کجھ ہوسی

    مائی ! نال وچھوڑے نکال مینوں ۔

    ،ہاشم شاه' بلوچاں دے آونے دی'

    کوئی کڈھ وکھال توں فعال مینوں ۔ 23 ۔

    24

    ! میم مرن بھلا کسے ڈھنگ دھیے

    ہتھیں اپنی زہر ن کھائیے نی ۔

    ،نیہں لائکے کیوں پچھتاونی ہیں

    نیہں پہلے ہی سمجھ کے لائیے نی ۔

    ،نازک شیشہ ہے سسیئے ! یار والا

    کیوں وس بدرداں دے پائیے نی ۔

    ،ہاشم شاه' پہاڑ توں عشقَ بھارا'

    قدر اپنے بھار اٹھائیے نی ۔ 24 ۔

    25

    ،نون نیہں دا سار کی لوک جانن

    دردوند ہی جاندے پیڑ نوں نی ۔

    ،ایویں سمجھ مائی ! سسی کوکدی ہے

    جدھے لگڑی پیڑ سریر نوں نی ۔

    ،لشکر عشقَ دے سسی نوں آن پئے

    نال دکھاں دے گھتّ وہیر نوں نی ۔

    ،ہاشم شاه' میاں دکھ درد میرا'

    ہوسی مالم ربّ خبیر نوں نی ۔ 25 ۔

    (خبیر=جانکار)

    26

    ،وار وار گھتی دھیے سسیئے نی

    ! کدی لاه بلوچاں دی آس مئیے

    ،ادھی رات دے اٹھ کے راه پئے

    ! لکھیا مول ن پوندا ای پاس مئیے

    ،پنوں مد پوائکے مست کیتا

    ! ہویا حق بلوچاں دا راس مئیے

    ،ہاشم شاه' میاں دیکھیں ہوتزادے'

    گرداں پہنچیاں جائ اکاش مئیے ! 26 ۔

    27

    ،ہے ہوت گئے سسی جاؤنا ای

    ایویں پئی بھلی مینوں مائع ! موڑیں ۔

    ،اگا پنوں دا تے پچھا سسڑی دا

    جاندا ہوتاں نہ جگ مہار موڑے ۔

    ،ترننجن بیٹھیاں سئیاں نوں چھّڈ جاساں

    پچھا یار بلوچاں دا کون چھوڑے ۔

    ،ہاشم شاه' میاں اٹھ ہوت گئے'

    جتھے سسی دے جاونا عشقَ گھوڑے ۔ 27 ۔

    28

    ،لام لاه دوالیا باز گئے

    اڈے پنچھیاں نوں ڈوراں پاونی ہیں ۔

    ،نت کوچ تے نت مقام جنہاں

    تنھاں ہوتاں دا عشقَ کماونی ہیں ۔

    ،گوئل والیاں دے کیہڑے تھائیں مئیے

    میرا آکھیا توں جی ن لیاونی ہیں ۔

    ،ہاشم شاه' جیہا جیہڑا نیہں لاوے'

    توں تاں عشقَ نوں لّج کیوں لاونی ہیں ۔ 28 ۔

    29

    ،علف اکھیاں کرماں دیاں تتیاں نی

    ! رو رو لینی ہاں نت سجائ مائی

    ،اکھیں دیکھ ن پنوں نوں ودیا کیتا

    ! کتے ہوتاں دے پندھ پچھائ مائی

    ،جیہڑی ہوونی سی سوئی ہوئِ رہی

    ! توڑے لکھ نصیحتاں لائِ مائی

    ،ہاشم شاه' بلوچاں دی واٹ دسی'

    تینوں دیسیا ربّ رجائِ مائی ! 29 ۔

    30

    ،یہ یار پچھے توں تاں جاندڑی ہیں

    تینوں ملگُ جے ربّ ملاونا ای ۔

    ،کھڑی بانہہ کرکے سسی وچ تھلاں

    ربا ! غیراں دے وسّ ن پاونا ای ۔ 30 ۔

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے