Font by Mehr Nastaliq Web
Sufinama

چوتھی سیہرفی

ہاشم شاہ

چوتھی سیہرفی

ہاشم شاہ

MORE BYہاشم شاہ

    1

    ،علف الیاں والیئے عاشقاں نوں

    کیہیاں الیاں توں چھمکاونی ہیں ۔

    ،تیریاں آساں دے نیناں نے نعر سٹے

    پچھوں سرمے دی سانگ چلاونی ہیں ۔

    ،تیری چال تھوں جان قربان کیتی

    من عاجزاں کیوں ترساونی ہیں ۔

    ،ہاشم شاه' دی موت نزیک آوے'

    جدوں الیاں توں چھنکاؤنی ہیں ۔

    (الیاں=اک گہنہ)

    2

    ،بے بے پرواہیاں چھّڈ مئیے

    جے توں یار دی حاضری لوڑنی ہیں ۔

    ،نالے چاہنی ہیں گل لگنے نوں

    کدی گھنڈ کڈھیں مکھ موڑنی ہیں ۔

    ،نالے ہسدی ہیں نالے ہوئِ غصے

    کدی نین نیناں نال جوڑنی ہیں ۔

    ،ہاشم' دیئ نصیحتاں سمجھ کدی'

    کیوں عاشقاں دے دل توڑنی ہیں ۔

    3

    ،تے تافتے بافتے پہن کے نی

    اساں نال نمانیاں مان کریں ۔

    ،پھریں مست المست گمان سیتی

    رنگ روپ دا مان کے تان کریں ۔

    ،آپے لائِ کے چائ بجھاونی ہیں

    آپے لائِ کے چائ مسان کریں ۔

    ،ہاشم شاه' موئے نوں کی مارنی ہیں'

    مان-متیئے بان کبان کریں ۔

    4

    ،سے سار دے نی مچے نین تیرے

    ڈھال گھنڈ دی اوٹ چلاونی ہیں ۔

    ،پیویں پار لوہو نت عاشقاں دا

    گھوڑے روپ دے چڑھی دڑاونی ہیں ۔

    ،اک پھرن بے ہوش ن ہوش کوئی

    اک مار کے چائ سکاونی ہیں ۔

    ،ہاشم شاه' جہے یار غلام تیرے'

    جکوں چاہنی تویں نچاونی ہیں ۔

    5

    ،جیم جوگ کماونا پایا ای

    اٹھے پہر گیاُن دھیاُن تیرا ۔

    ،اک وار توں ہسّ بلاؤ مینوں

    کدی بھلسی ناِه ایسھان تیرا ۔

    ،ڈر خوف کدی کر ربّ کولوں

    مت توڑ سٹے ابھیمان تیرا ۔

    ،ہاشم شاه' دی بینتی ربّ سنے'

    کرے چوڑ-چپٹّ دوکان تیرا ۔

    6

    ،ہے ہور تیرے وچ عیب ناہیں

    سوئنے سندڑے ملکھ نگینیاں دے ۔

    ،اک دردونداں نال ظلم کریں

    کڈھیں گھنڈ گھٹیں بند سینیاں دے ۔

    ،تیرے کارنے آن فقیر ہوئے

    گھر پھوک کے مال کھزینیاں دے ۔

    ،ہاشم شاه' نوں منوں وسار ناہیں'

    آکھے لگّ کے دوت کمینیاں دے ۔

    7

    ،خے خام پریت دی ریت ایہا

    غرض بنی تاں آن پیاُر کیتا ۔

    ،'مونہوں آکھیا 'جند تساڈڑی ہے

    گجھا ہور تھے قول کراُر کیتا ۔

    ،گئی عمر ہی دغا کماؤندیاں دی

    کھوٹا کھوٹیاں ونُج وپاُر کیتا ۔

    ،کتھوں ڈھونڈ کے ہاشما ! نیہ لائیو

    جان بجھ کے روگ وہاجھ لیتا ۔

    8

    ،دال دکھ کجیئڑے جالنے ہاں

    سر اپنے تینڈڑے دوار مئیے ۔

    ،کاربار نوں چھّڈ بے کار ہوئے

    ڈگے آن کے تیری سرکار مئیے ۔

    ،بھورا ربّ دے نائں تھیں خیر پائیں

    کیہی متی ایں غرب ہنکار مئیے ۔

    ،'کوئی خواب خیال سنسار 'ہاشم

    دل اپنے ڈھونڈھ وچار مئیے ۔

    9

    ،زال ذوق تے عیش کمانودی توں

    ہسّ کھیڈ کے وکھت لنگھاونی ہیں ۔

    ،چھیل بانکیاں دولتاں والیاں نوں

    رس رس سینے نال لاونی ہیں ۔

    ! کریں کّچ دا ونج وپار مئیے

    توڑ موتیاں خاک رلاونی ہیں ۔

    ،کوئی بیر ہی جنم پچھیڈڑے دا

    ہاشم شاه' دی جان کھپاونی ہیں ۔ 9۔'

    10

    ،رے رنگ انار دے روپ تیرا

    وارے ! واه جی واه بناونے نوں ۔

    ،بھواں کالیاں دا کوئی مّل ناہیں

    اوتھے عیب کی نین وکاونے نوں ۔

    ،لٹاں گندیاں موت مسافراں دی

    راه جاندیاں چائ پھہاونے نوں ۔

    ،ہاشم شاه' تاں بھل کے نیہ لایا'

    تیرے لکھ شاباش اکاونے نوں ۔ 10 ۔

    11

    ،زے زرد کچور دے رنگ تیرا

    ایہناں انگیاں نے من موه لیتا ۔

    ،پچھوں فوج چڑھی ونگاں ساویاں دی

    رہندا عقل شعور بھی کھوه لیتا ۔

    ،اجے خیال بلاک ن چھڈدا ای

    بنُد بنُد اساڈڑا جوه لیتا ۔

    ،ہاشم شاه' دی رنگل رنگلی ہے'

    ٹک گھت گھانی رنگ چوئ لیتا ۔ 11 ۔

    12

    ،سین سُچ آکھاں تاں توں رسّ جاویں

    گھٹّ وٹیاں جنُد تے آئِ بنی ۔

    ،تیرے برہوں نے بھاِه مچائ دتی

    اگّ لگّ اٹھی میری بنی تنی ۔

    ،جیڑھا کدے ن جم کے ڈٹھڑا میں

    طعنے دیندڑی آن کے جنی کھنی ۔

    ،کسے جنُم جو کوئی دکھایا سی

    لئے ہاشما ! دکھ کروڑ منیں ۔ 12 ۔

    13

    ،سین سوکھتاں وجہ تساڈڑی جی

    اجے اساں اتے اعتراز ہے جی ۔

    ،نینیں انجُن ہور طوفان ہے سی

    دھوہی تیغ وجا پٹواز ہے جی ۔

    ،سانوں اگے ہی تساں شہید کیتا

    کس واسطے شوخ مجازی ہے جی ۔

    ،ہاشم شاه' نے کوئی گناه کیتا'

    اج عاجزی نال مہمان نواز ہے جی ۔ 13 ۔

    14

    ،سواد صلح کرو میتھوں بھل ہوئی

    کوئی سخن اولڑا بولیا میں ۔

    ،میری جان تے تدوں ہوائ ہوئی

    جدوں مکھ اتوں لڑ کھولھیا تیں ۔

    ،رتی صبر آرام ن آنودا ای

    اوس ویلڑے دا پھراں ڈولیا میں ۔

    ،ہاشم' ٹہلیاں دا پڑ ٹہلیا ہے'

    وار سٹیا تدھ تھوں گھولیا میں ۔ 14 ۔

    15

    ،ضواد زپت ہووے شہر دوتیاں دا

    جیڑھے گجھیاں لوتیاں لانودے نی ۔

    ،دلوں کھوٹ اتے مونہوں پریت رکھن

    کر کورکھا کلھا جگانودے نی ۔

    ،توڑ سٹدے سکیاں بھائیاں نوں

    پیو پتراں چائ وکھرانودے نی ۔

    ،پوے 'ہاشما' غیب دی دھاڑ اےنہاں

    نت ماس بگانڑا کھانودے نی ۔ 15 ۔

    16

    ،توئِ طور تساڈڑی زور ہے جی

    جیہا تیر چھٹا کر صاف چلے ۔

    ،سئیاں نال پھریں وچ باغ دے نی

    جیسا مور لٹور چکور چلے ۔

    ،پیریں جھانجراں وانگ تنبوریاں دے

    سماں بنھ بندھی گھنگھور چلے

    ،ہاشم شاه' چلے جتھے ساتھ ہے جی'

    جیسی نال پتنگ دے ڈور چلے ۔ 16 ۔

    17

    ،زوئ ظلم کیتا بہت عاجزاں تے

    کدے میہر کرو اسیں جیویئی جی ۔

    ،بھورا درس بی چاہیئے آدمی نوں

    مول سخت فلاد ن تھیویئے جی ۔

    ،نہیں دیہ جواب شتاب سانوں

    گھول زہر پیالڑا پیویئے جی ۔

    ،'بناں پریم دے عمر خراب 'ہاشم

    لکھ جگ جے جگّ تے جیویئی جی ۔ 17 ۔

    18

    ،این عرض اساڈڑی مّن کدے

    شغل عشقَ دا کم سیانیاں دا ۔

    ،درس ویکھیئے درس وکھائیے جی

    مزه پائیے درد رننجانیاں دا ۔

    ،دتے دان دا ایڈا صواب ناہیں

    جیہا پچھیا حاَل نمانیاں دا ۔

    ،'لاہا جیونے دا ایہو جان 'ہاشم

    روپ ویکھیئے ملکھ ربانیاں دا ۔ 18 ۔

    19

    ،غین غرض دا کل ظہور ہے جی

    غرزدار دی خوب ہے غرض کیتی ۔

    ،آئے چل تساڈڑے پاس کوئی

    سکھ دکھ دی چاہیئے بات لیتی ۔

    ،وجہ پچھ کے جگّ ہے گھائ لاندا

    پھٹے جیؤ دی پچھکے طرز سیتی ۔

    ،ہاشم شاه' ولوں سدا سکھ ہونی'

    ایویں بیت جاؤ جکوں ہور بیتی ۔ 19 ۔

    20

    ،فے فرق ہے کجھ زمانڑے دا

    ،بد دعائِ تھیں نہیں قبول ہندی

    ،دنے رات توں پئی ستانودی نی

    کدی ترن تھیں نہیں رنجول ہندی ۔

    ،اٹھے پہر دا ظلم ویچار تیرا

    اک گھڑی بی نہیں مکول ہندی ۔

    ،ہاشم' آخری دور نزیک آیا'

    اجے نہیں مراد رسول ہندی ۔ 20 ۔

    21

    ،قاف کرودھ ہنکار گوائِ دیئیے

    ایدوں نفع ن کسے نے پایا ہی ۔

    ،سلیمان جیہاں بھی پیکمبراں نوں

    تختوں سٹکے بھٹھ جھکایا ہی ۔

    ،اک خوبیاں یوسبے نال آئیاں

    پھیڑے غرض دے مل وکایا ہی ۔

    ،'نریکار دا کم ہنکار 'ہاشم

    ہور جنہاں کیتا دکھ پایا ہی ۔ 21 ۔

    22

    ،قاف قدم پچھان توں اپنے نوں

    سدا روپ ناہیں ہتیاریئے نی ۔

    ،کوئی خواب خیال دی بات ہے گی

    ہسّ کھیڈ لے جگت نکاریئے نی ۔

    ،پچھوتاوسیں ایس بہار تائیں

    جاسی وکھت وہائِ گواریئے نی ۔

    ،ہاشم' بھلے دی بات جگ گانودا ہی'

    آکھے لگ جا ربّ دی پیاریئے نی ۔ 22 ۔

    24

    ،کھانا پیونا شہر تھوں بدر ہویا

    خوشی شوق سبھو پریشان کیتا ۔

    ،مشہور دا کوٹ آہا ……

    ساڑ بال کے چوڑ مکان کیتا ۔

    ،ہاشم شاه'……بھیڑیئے نی'

    تیرے عشقَ نے کیڈا طوفان کیتا ۔ 24 ۔

    25

    ،نون ننگ نموز دی سنگ کیہی

    گھر پھوک ملنگ نشنگ ہوئے ۔

    ،گئے بخت دوئ مرکے مار تیرے

    نین سانولے تیر تفنگ ہوئے ۔

    ،اک ہوکدے وچ میدان دے نی

    اک سکّ کے صاف کرنگ ہوئے ۔

    ،ہاشم شاه' تائیں کوئی دوش ناہیں'

    عاشق ویکھ کے شمع پتنگ ہوئے ۔ 25 ۔

    26

    ،واؤ وت ن آونا ہوگ موئیے

    ایہہ وار ہی آونے جاونے دی ۔

    ،کون جاندا ہوگُ سویر موئیے

    ایہہ رات ہی سیس گنداونے دی ۔

    ،گل لگنے چھیل کہاونے دی

    نال جانیاں جیو پرچاونے دی ۔

    ،ہاشم شاه' دی بات نوں موڑ ناہیں'

    سانوں غرض آہی سمجھاونے دی ۔ 26 ۔

    27

    ،ہے ہار شنگار دی ریجھ رکھیں

    رنگ رس دی مول ن ریجھ تینوں ۔

    ،بھور پیا ہے شوخ محبوب پیارا

    بھورا عشقَ دی چاٹ ن ہوئِ جینوں ۔

    ،لکھ وار میں پھیریاں پاونا ہاں

    اک وار توں ہسّ بلائِ مینوں ۔

    ،ہاشم شاه' نوں بہت حیران کیتا'

    آکھے حاَل ہکیکتِ جائ کینوں ۔ 27 ۔

    28

    ،لام لکھ کروڑ قربان کیتے

    تیرے عشقَ ادائ دی آن تے نی ۔

    ،تیری نازکی دیکھ حیران ہوئے

    سارے سوہنے جمل جہان دے نی ۔

    ،کس واسطے کجل پاونی ہیں

    تیرے نین ہی شوخ طوفان دے نی ۔

    ،ہاشم شاه' میاں کر یاد رکھیں'

    دن چار ہی لاُڈ گمان دے نی ۔ 28 ۔

    29

    ،علف آؤ کدی آکھے لگ میرے

    ساری عمر گئی سمجھانودے دی ۔

    ،دکھ پانودے جان کھپانودے دی

    نال آہیاں کوک سنانودے دی ۔

    ،پئی دھم سنسار دے وچ میری

    نت آنودے تے مڑ جانودے دی ۔

    ،ہاشم شاه' دی آه ن پوے تینوں'

    ہینسیاریئے ! جوگ کمانودے دی ۔ 29 ۔

    30

    ،یہ یاریاں کرن ہیسان ناہیں

    نال جوگ بیراگ سنیاسیاں دے ۔

    ،اک لائِ ببھوت ملنگ ہوئے

    دل گھائلاں نال اداسیاں دے ۔

    ،پچھے لگ کے اسیں خراب ہوئے

    اےنہاں اکھیاں درس-پیاسیاں دے ۔

    ،ہاشم شاه' میاں ہن بہت ہوئی'

    چھڈ خیال رسیلیاں ہاسیاں دے ۔ 30 ۔

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے