اسماء_و_صفات غیر_متناہی ہیں

حق تعالیٰ کے اسماء و صفات غیر متناہی ہیں کیونکہ اس کے افعال غیر متناہی ہیں۔ بہ سبب اُس وسعت کے جو حضرتِ الٰہیہ کی شان کے شایان ہے کوئی شئی کبھی مکرر وجود میں نہیں آتی مگر ان نسبتوں اور اضافتوں کی جو بسلسلۂ غیر متناہی ظاہر ہوتی رہتی ہیں اصل ایک ہی ذات ہے جو ان تمام نسبتوں اور اضافتوں کو قبول کرتی ہے لیکن جب نسبتیں اور اضافتیں متعدد اور متکثر ہیں تو ضروری ہے کہ ان کے درمیان ایک ایسی امتیازی کیفیت اعتباری بھی ہو ایک جو ایک نسبت کو دوسری نسبت سے متمیز اور ایک اضافت سے جدا کردے یہ امتیاز پیدا کرنے والی حقیقتیں اسماء کی تخصیص کو قائم رکھتی ہیں۔