Aaghosh Shayari

yuuñ huī ruuh ko mahsūs mohabbat us kī

jaise āġhosh meñ dariyā ke samundar utrā

yun hui ruh ko mahsus mohabbat us ki

jaise aaghosh mein dariya ke samundar utra

merī pahlī parvarish taqdīs kī āġhosh meñ

qudsiyoñ ke sar bhī 'kāmil' mere aage ḳham rahe

meri pahli parwarish taqdis ki aaghosh mein

qudsiyon ke sar bhi 'kaamil' mere aage KHam rahe

maiñ ġhash meñ huuñ mujhe itnā nahīñ hosh

tasavvur hai tirā yā tū ham-āġhosh

main ghash mein hun mujhe itna nahin hosh

tasawwur hai tera ya tu ham-aghosh

haiñ sadqe kise aaj pyaar aa gayā

ye kaun aa gayā mere āġhosh meñ

hain sadqe kise aaj pyar aa gaya

ye kaun aa gaya mere aaghosh mein

ulvī ko ze bas thā ḳhauf-e-ġhinā kahā yaar ne bā-hamā lutf-o-atā

kiyūñ Dartā hai aa āġhaush meñ aa tū aur nahīñ main aur nahīñ

ulwi ko ze bas tha KHauf-e-ghina kaha yar ne ba-hama lutf-o-ata

kiyun Darta hai aa aaghaush mein aa tu aur nahin main aur nahin

kabhī 'āsī' se ham-āġhosh na dekhā tujh ko

asar-e-jazba-e-dil-e-ahl-e-mohabbat bhī nahīñ

kabhi 'asi' se ham-aghosh na dekha tujh ko

asar-e-jazba-e-dil-e-ahl-e-mohabbat bhi nahin

hosh kī bāteñ vahī kartā hai aksar hosh meñ

ḳhud bhī jo mahbūb ho mahbūb kī āġhosh meñ

hosh ki baaten wahi karta hai aksar hosh mein

KHud bhi jo mahbub ho mahbub ki aaghosh mein

vahāñ huuñ maiñ jahāñ tam.īz-e-husn-o-ishq mushkil hai

har ik jalva ab āġhosh-e-nazar meñ jalva-e-dil hai

wahan hun main jahan tamiz-e-husn-o-ishq mushkil hai

har ek jalwa ab aaghosh-e-nazar mein jalwa-e-dil hai

sūrat-e-hastī meñ phir dekheñge shakl-e-raftgāñ

ab talak ā.īna ham-āġhosh-e-ḳhākistar rahā

surat-e-hasti mein phir dekhenge shakl-e-raftgan

ab talak aaina ham-aghosh-e-KHakistar raha

ek shab tū baiTh mere halqa-e-āġhosh meñ

yār-e-mah-paikar qadam haale se mat bāhar uThā

ek shab tu baiTh mere halqa-e-aghosh mein

yar-e-mah-paikar qadam haale se mat bahar uTha

kis tarh na pahlū meñ raqīboñ ko jagah de

āġhosh meñ har sañg ke hotā hai sharar bhī

kis tarh na pahlu mein raqibon ko jagah de

aaghosh mein har sang ke hota hai sharar bhi

rah ke āġhosh meñ ai bahr-e-karam āshiq ko

qismat-e-soḳhta-e-sabza-e-sāhil denā

rah ke aaghosh mein ai bahr-e-karam aashiq ko

qismat-e-soKHta-e-sabza-e-sahil dena

dījiye un ko kanār-e-ārzū par iḳhtiyār

jab vo hoñ āġhosh meñ be-dast-o-pā ho jā.iye

dijiye un ko kanar-e-arzu par iKHtiyar

jab wo hon aaghosh mein be-dast-o-pa ho jaiye

mujh ko tanhā dekhne vaale na samjheñ rāz-e-ishq

merī tanhā.ī ke lamhe yaar ke āġhosh haiñ

mujh ko tanhā dekhne wale na samjheñ rāz-e-ishq

merī tanhāī ke lamhe yar ke āġhosh haiñ

kahīñ nākām rah jaaye na zauq-e-justujū apnā

adam se bhī ḳhayāl-e-yār-e-ham-āġhosh ho jaanā

kahin nakaam rah jaye na zauq-e-justuju apna

adam se bhi KHayal-e-yar-e-ham-aghosh ho jaana

aap kī tasvīr har-dam dil se ham-āġhosh hai

ya.anī vo behosh huuñ qurbān jis par hosh hai

aap ki taswir har-dam dil se ham-aghosh hai

yani wo behosh hun qurban jis par hosh hai

rāt-din añgḌā.iyāñ vo leñ merī āġhosh meñ

jin hasīnoñ ke liye paidā ye añgḌā.ī huī

raat-din angDaiyan wo len meri aaghosh mein

jin hasinon ke liye paida ye angDai hui