Aankh Shayari

merī aañkh band thī jab talak vo nazar meñ nūr-e-jmāl thā

khulī aañkh to n ḳhabar rahī ki vo ḳhvāb thā ki ḳhayāl thā

meri aankh band thi jab talak wo nazar mein nur-e-jmal tha

khuli aankh to n KHabar rahi ki wo KHwab tha ki KHayal tha

hai vaj.h koī ḳhaas mirī aañkh jo nam hai

bas itnā samajhtā huuñ ki ye un kā karam hai

hai wajh koī ḳhas mirī aañkh jo nam hai

bas itnā samajhtā huñ ki ye un kā karam hai

dil vahī dil hai jo allāh kā jalva dekhe

aañkh vo aañkh jo qudrat kā tamāshā dekhe

dil wahi dil hai jo allah ka jalwa dekhe

aankh wo aankh jo qudrat ka tamasha dekhe

jaan se ho ga.e badan ḳhālī

jis taraf tū ne aañkh bhar dekhā

jaan se ho gae badan ḳhālī

jis taraf tū ne aañkh bhar dekhā

na kisī kī aañkh kā nuur huuñ na kisī ke dil kā qarār huuñ

kisī kaam meñ jo na aa sakī maiñ vo ek musht-e-ġhubār huuñ

na kisi ki aankh ka nur hun na kisi ke dil ka qarar hun

kisi kaam mein jo na aa saki main wo ek musht-e-ghubar hun

shab-e-vasl kyā muḳhtasar ho ga.ī

zarā aañkh jhapkī sahar ho ga.ī

shab-e-wasl kya muKHtasar ho gai

zara aankh jhapki sahar ho gai

hijāb-e-ruḳh-e-yār the aap hī ham

khulī aañkh jab koī pardā na dekhā

hijāb-e-ruḳh-e-yār the aap hī hum

khulī aañkh jab koī pardā na dekhā

vo chhup gaye to aañkh se taare nikal paḌe

dil gum huvā to ashk hamāre nikal paḌe

wo chhup gaye to aankh se tare nikal paDe

dil gum huwa to ashk hamare nikal paDe

vo aañkh mere liye nam hai kyā kiyā jaa.e

use bhī aaj mirā ġham hai kyā kiyā jaa.e

wo aankh mere liye nam hai kya kiya jae

use bhi aaj mera gham hai kya kiya jae

supne meñ aañkh piyā sañg laagī

chauñkī paḌī phir soi na jaagī

supne mein aankh piya sang lagi

chaunki paDi phir soi na jagi

lagā kar aañkh us jān-e-jahāñ se

na hogā ab kisī se āshnā dil

laga kar aankh us jaan-e-jahan se

na hoga ab kisi se aashna dil

aañkh milte hī kisī ma.ashūq se

phir tabī.at kyā sambhālī jā.egī

aankh milte hi kisi mashuq se

phir tabiat kya sambhaali jaegi

jis aañkh ne dekhā hai us aañkh ko dekhūñ

hai us ke sivā kyā tere dīdār kī sūrat

jis aankh ne dekha hai us aankh ko dekhun

hai us ke siwa kya tere didar ki surat

us aañkh se jis aañkh ne maḳhmūr do-ālam ka.e

merī taraf bhī dekhnā maulā-alī mushkil-kushā

us aankh se jis aankh ne maKHmur do-alam kae

meri taraf bhi dekhna maula-ali mushkil-kusha

be-hijābāna vo sāmne aa ga.e aur javānī javānī se Takrā ga.ī

aañkh un kī laḌī yuuñ mirī aañkh se dekh kar ye laḌā.ī mazā aa gayā

be-hijabana wo samne aa gae aur jawani jawani se Takra gai

aankh un ki laDi yun meri aankh se dekh kar ye laDai maza aa gaya

aañkh uThā.ye dekhat nāhīñ

laaj bharā sharmāyā banrā

aankh uThaye dekhat nahin

laj bhara sharmaya banra

tohmat-e-bad-nazrī aañkh churāne kā gilā

bahs kiyā chhiḌ ga.ī thī sharh-e-ishārāt kī raat

tohmat-e-bad-nazri aankh churane ka gila

bahs kiya chhiD gai thi sharh-e-ishaaraat ki raat

sayyāñ sañg kas morā laago nayanvā

aañkh lagat nahīñ niiñd paḌat nahīñ

sayyan sang kas mora lago nayanwa

aankh lagat nahin nind paDat nahin

har aañkh kī til meñ hai ḳhudā.ī kā tamāsha

har ġhuncha meñ gulshan hai har ik zarrā meñ sahrā

har aankh ki til mein hai KHudai ka tamasha

har ghuncha mein gulshan hai har ek zarra mein sahra

apnā banā ke ai sanam tum ne jo aañkh pher lī

aisā bujhā charāġh-e-dil phir ye kabhī jalā nahīñ

apnā banā ke ai sanam tum ne jo aañkh pher lī

aisā bujhā charāġh-e-dil phir ye kabhī jalā nahīñ

karbalā sāmne aatī jo vo lāshe le kar

aañkh to aañkh hai patthar se bhī ristā paanī

karbala samne aati jo wo lashe le kar

aankh to aankh hai patthar se bhi rista pani

aah jis din se aañkh tujh se lagī

dil pe har roz ik nayā ġham hai

aah jis din se aañkh tujh se lagī

dil pe har roz ek nayā ġham hai

aañkh un kī phir ālūda-e-nam dekh rahā huuñ

ḳhud par unheñ mā.il-ba-karam dekh rahā huuñ

aankh un ki phir aaluda-e-nam dekh raha hun

KHud par unhen mail-ba-karam dekh raha hun

kahīñ hai aañkh āshiq kī kahīñ dīdār-e-janāñ hai

bahār-e-husn-e-tābāñ meñ tū hī tū hai tū hī tū hai

kahin hai aankh aashiq ki kahin didar-e-janan hai

bahaar-e-husn-e-taban mein tu hi tu hai tu hi tu hai

azal se abad tak kabhī aañkh dil kī

na jhapke jhapakne na paa.e to kyā ho

azal se abad tak kabhi aankh dil ki

na jhapke jhapakne na pae to kya ho

khol aañkh apnī dekh ayaañ haq kā nuur hai

har barg va har shajar meñ usī kā zuhūr hai

khol aankh apnī dekh ayan haq ka nur hai

har barg wa har shajar mein usi ka zuhur hai

us dar-e-faiz se ummīd bañdhī rahtī hai

aur madīna kī taraf aañkh lagī rahtī hai

us dar-e-faiz se ummid bandhi rahti hai

aur madina ki taraf aankh lagi rahti hai

yuuñ aañkh se aañkh meñ milā hai

itnā to mirā dil-o-jigar hai

yun aankh se aankh mein mila hai

itna to mera dil-o-jigar hai

gar aañkh terī hai dekh tū har chiiz ke andar zāhir hai

mahbūb terā Tuk soch to tū har haal se tere māhir hai

gar aankh teri hai dekh tu har chiz ke andar zahir hai

mahbub tera Tuk soch to tu har haal se tere mahir hai

gar kahīñ us ko jalva-gar dekhā

na gayā ham se aañkh bhar dekhā

gar kahīñ us ko jalwa-gar dekhā

na gayā hum se aañkh bhar dekhā

lene vaale apnī āñkhoñ se lagā lete haiñ use

aañkh kā taarā hai sañdal hazrat-e-maḳhdūm kā

lene wale apni aankhon se laga lete hain use

aankh ka tara hai sandal hazrat-e-maKHdum ka

sudh kab rahat mohan ke dekhat

chit kahāñ Thahrat aañkh lagāy

sudh kab rahat mohan ke dekhat

chit kahan Thahrat aankh lagay

man merī man ye chaav

āñkh-bacholā jivḌā aa hans jaave baaT

man meri man ye chaw

aankh-bachola jiwDa aa hans jawe baT

tū usī kī aañkh kā nuur hai tū usī ke dil kā surūr hai

ki jise buland nazar milī ki jise shu'ūr-e-vilā milā

tu usi ki aankh ka nur hai tu usi ke dil ka surur hai

ki jise buland nazar mili ki jise shu'ur-e-wila mila

Duub jaane kī hidāyat jo kabhī mauj ne dī

aañkh dene ko habāb-e-lab-e-dariyā niklā

Dub jaane ki hidayat jo kabhi mauj ne di

aankh dene ko habab-e-lab-e-dariya nikla

assalām ai haq ke pyāre assalām

aur mohammad ke dulāre assalām

assalam ai haq ke pyare assalam

aur mohammad ke dulare assalam

is se pahle aañkh kī putlī kī kyā auqāt thī

tere nuqta dete hī kyā kyā nazar aane lagā

is se pahle aankh ki putli ki kya auqat thi

tere nuqta dete hi kya kya nazar aane laga

aañkh khol ke dekho to sab ek zaat se gherī hai

jā se nuur huā hai din ko vā se raat añdherī hai

aankh khol ke dekho to sab ek zat se gheri hai

ja se nur hua hai din ko wa se raat andheri hai

valekin hai ek aañkh kā kor vo

tabīyat vo thartā hai shaitān kī

walekin hai ek aankh ka kor wo

tabiyat wo tharta hai shaitan ki

haañ ye sarshāriyāñ javānī kī

aañkh jhapkī hī thī ki raat ga.ī

han ye sarshaariyan jawani ki

aankh jhapki hi thi ki raat gai

jab so gaye tum aañkh lagā.e

kaise ‘turāb’ piyā ko bhūlūñ

jab so gaye tum aankh lagae

kaise ‘turab’ piya ko bhulun

yominūna bil-ġhaib kuuñ aañkh muuñd man piil

sīkho gurū soñ ye jugat āñkh-michaunī khel

yominuna bil-ghaib kun aankh mund man pil

sikho guru son ye jugat aankh-michauni khel

shrī varshbhānu kishorī re logo

morī to aañkh turāb so laagī

shri warshbhanu kishori re logo

mori to aankh turab so lagi

milkar aañkh dil lenā hai bā.yeñ haath kā kartab

sivā is ke bhare haiñ be-shumār asrār āñkhoñ meñ

milkar aankh dil lena hai bayen hath ka kartab

siwa is ke bhare hain be-shumar asrar aankhon mein

aise niThur se kaam paḌo hai

aañkh lagā.ye maiñ jī so ga.ī

aise niThur se kaam paDo hai

aankh lagaye main ji so gai

nahīñ aañkh jalva-kash-e-sahar ye hai zulmatoñ kā asar magar

ka.ī āftāb ġhurūb haiñ mire ġham kī shām-e-darāz meñ

nahin aankh jalwa-kash-e-sahar ye hai zulmaton ka asar magar

kai aaftab ghurub hain mere gham ki sham-e-daraaz mein

kyā mirī aañkh adam biich lagī thī ai charḳh

kyā us ḳhvāb se tū ne mujhe bedār abas

kya meri aankh adam bich lagi thi ai charKH

kya us KHwab se tu ne mujhe bedar abas

aañkh khol dikhte 'kāzim' kaañ

uTh gare laago kañvar kanhā.ī

aankh khol dikhte 'kazim' kan

uTh gare lago kanwar kanhai

tūfān tanik suman kī bū meñ

samandar ek aañkh ke anjo meñ

tufan tanik suman ki bu mein

samandar ek aankh ke anjo mein

kaahe tū mose aañkh churāvat

sanmukh tore maiñ aapai n hūñgī

kahe tu mose aankh churawat

sanmukh tore main aapai n hungi