Aasman Shayari

har sūrat vich aave yaar

kar ke naaz adā lakh vaar

har surat wich aawe yar

kar ke naz ada lakh war

duā lab pe aatī hai dil se nikal kar

zamīñ se pahuñchtī hai baat āsmāñ tak

dua lab pe aati hai dil se nikal kar

zamin se pahunchti hai baat aasman tak

ummīd aas bāshad nā-ummīd hai nirās

charḳh-o-falak sip.har buvad āsmāñ ākās

ummid aas bashad na-ummid hai niras

charKH-o-falak siphar buwad aasman aakas

kare chāroñ taraf se kyuuñ na us ko āsmāñ sajde

zamīñ ko faḳhr hāsil hai rasūlallāh kī marqad kā

kare chaaron taraf se kyun na us ko aasman sajde

zamin ko faKHr hasil hai rasulallah ki marqad ka

jab qadam rakhā zamīñ par āsmāñ par jā paḌā

bārhā ham ne kiyā hai imtihān-e-kū-e-dost

jab qadam rakha zamin par aasman par ja paDa

barha hum ne kiya hai imtihan-e-ku-e-dost

us sarvar-e-dīñ par jaan fidā kī jis ne namāz-e-ishq adā

talvāroñ kī jhankāroñ meñ aur tīroñ kī bauchhāroñ meñ

us sarwar-e-din par jaan fida ki jis ne namaz-e-ishq ada

talwaron ki jhankaron mein aur tiron ki bauchhaaron mein

kahīñ vah dar libās-e-ma.ashūqāñ

bar-sar-e-nāz aur adā dekhā

kahin wah dar libas-e-mashuqan

bar-sar-e-naz aur ada dekha

jo dil ho jalva-gāh-e-nāz is meñ ġham nahīñ hotā

jahāñ sarkār hote haiñ vahāñ mātam nahīñ hotā

jo dil ho jalwa-gah-e-naz is mein gham nahin hota

jahan sarkar hote hain wahan matam nahin hota

hasht jannat shash-jihat haft āsmāñ

sab hue paidā barā-e-mustafā

hasht jannat shash-jihat haft aasman

sab hue paida bara-e-mustafa

zamīñ se āsmāñ tak āsmāñ se lā-makāñ tak hai

ḳhudā jaane hamāre ishq kī duniyā kahāñ tak hai

zamin se aasman tak aasman se la-makan tak hai

KHuda jaane hamare ishq ki duniya kahan tak hai

zamīñ hai āsmāñ bhī us ke aage

ajab bartar madīne kī zamīñ hai

zamin hai aasman bhi us ke aage

ajab bartar madine ki zamin hai

yahī jo saudā hai mujh hazīñ kā patā kahāñ kū-e-nāznīñ kā

ġhubār-āsā nahīñ kahīñ kā na āsmāñ kā na maiñ zamīñ kā

yahī jo sauda hai mujh hazin ka pata kahan ku-e-naznin ka

ghubar-asa nahin kahin ka na aasman ka na main zamin ka

vo chamkā chāñd chhaTkī chāñdnī taare nikal aa.e

vo kyā aa.e zamīñ par āsmāñ ne phuul barsā.e

wo chamka chand chhaTki chandni tare nikal aae

wo kya aae zamin par aasman ne phul barsae

mujhe nāshād kar ke āsmāñ rāhat na pā.egā

mujhe barbād kar ke ḳhaak chhāneī zamīñ barsoñ

mujhe nashad kar ke aasman rahat na paega

mujhe barbaad kar ke KHak chhanei zamin barson

agar chāhūñ nizām-e-dahr ko zer-o-zabar kar duuñ

mire jazbāt kā tūfāñ zamīñ se āsmāñ tak hai

agar chahun nizam-e-dahr ko zer-o-zabar kar dun

mere jazbaat ka tufan zamin se aasman tak hai

shab-e-ġham dekhtā huuñ uTh ke har baar

vahī hai yā koī aur āsmāñ hai

shab-e-gham dekhta hun uTh ke har bar

wahi hai ya koi aur aasman hai

bas meñ tire zamīñ hai qabze meñ āsmāñ hai

ai do-jahāñ ke mālik merā nishāñ kahāñ hai

bas mein tere zamin hai qabze mein aasman hai

ai do-jahan ke malik mera nishan kahan hai

bāġh-e-ālam meñ hameñ phūlne-phalne na diyā

āsmāñ ne koī armāñ nikalne na diyā

bagh-e-alam mein hamein phulne-phalne na diya

aasman ne koi arman nikalne na diya

manam aañ māh-e-auj-e-husn dar burj-e-zamīñ-tābāñ

ki har shab mī-shavand az āsmāñ anjum nisār-e-man

manam aan mah-e-auj-e-husn dar burj-e-zamin-taban

ki har shab mi-shawand az aasman anjum nisar-e-man

vo ḳhudā.ī ke luTā.e jo ḳhazāne kam hai

miir usmān-alī ḳhaan ko ḳhudā detā hai

wo KHudai ke luTae jo KHazane kam hai

mir usman-ali KHan ko KHuda deta hai

rā.egāñ 'hasrat' na jā.egā mirā musht-e-ġhubār

kuchh zamīñ le jā.egī kuchh āsmāñ le jā.egā

raegan 'hasrat' na jaega mera musht-e-ghubar

kuchh zamin le jaegi kuchh aasman le jaega

vo kyuuñ bigḌe mire shor-e-fuġhāñ se

shikāyat un se thī yā āsmāñ se

wo kyun bigDe mere shor-e-fughan se

shikayat un se thi ya aasman se

vo lahar huuñ jo pyaas bujhā.e zamīn kī

chamke jo āsmāñ pe vo patthar nahīñ huuñ maiñ

wo lahar hun jo pyas bujhae zamin ki

chamke jo aasman pe wo patthar nahin hun main

yā darz khul ga.ī hai koī āsmān kī

duniyā ko jhāñktī hai tapish us jahān kī

ya darz khul gai hai koi aasman ki

duniya ko jhankti hai tapish us jahan ki

sargarm-e-qatl kab but-e-nā-mehrabāñ nahīñ

pyāsā mire lahū kā faqat āsmāñ nahīñ

sargarm-e-qatl kab but-e-na-mehraban nahin

pyasa mere lahu ka faqat aasman nahin

dhadhdhā dhyān dharo ghaT māhiñ surti ko kāḌhī nikārī

ulaTi chalo asmān hiye bich hot ujārī

dhadhdha dhyan dharo ghaT mahin surti ko kaDhi nikari

ulaTi chalo asman hiye bich hot ujari

vo kaun nāla-e-dil thā qafas meñ ai sayyād

ki misl-e-tīr-e-nazar āsmāñ shikār na thā

wo kaun nala-e-dil tha qafas mein ai sayyaad

ki misl-e-tir-e-nazar aasman shikar na tha

jo zamīñ par farāġh rakhte haiñ

āsmāñ par dimāġh rakhte haiñ

jo zamin par faragh rakhte hain

aasman par dimagh rakhte hain

nikal kar tere kūche se guzar merā jahāñ hogā

hazāroñ āsmāñ hoñge vahāñ ek āsmāñ hogā

nikal kar tere kuche se guzar mera jahan hoga

hazaron aasman honge wahan ek aasman hoga

dard-mandāñ diyāñ āhīñ toñ asmānoñ taare jhaḌde hū

dard-mandāñ diyāñ āhīñ koloñ āshiq muul na Darde hū

dard-mandan diyan aahin ton asmanon tare jhaDde hu

dard-mandan diyan aahin kolon aashiq mul na Darde hu

'riyāz' maut hai is shart se hameñ manzūr

zamīñ satā.e na marne pe āsmāñ kī tarah

'riyaz' maut hai is shart se hamein manzur

zamin satae na marne pe aasman ki tarah

har husn-e-adā hai terī adā hai terī haqīqat kun se judā

āshiq hai tirī sūrat pe ḳhudā ai nūr-e-mohammad sallallāh

har husn-e-ada hai teri ada hai teri haqiqat kun se juda

aashiq hai teri surat pe KHuda ai nur-e-mohammad sallallah

dekh kar āsmāñ ko ham to zamīñ meñ gaḌ ga.e

jab na kahīñ jagah milī aap kī bazm-e-nāz meñ

dekh kar aasman ko hum to zamin mein gaD gae

jab na kahin jagah mili aap ki bazm-e-naz mein

but bhī is meñ rahte the dil yaar kā bhī kāshāna thā

ek taraf ka.abe ke jalve ek taraf but-ḳhāna thā

but bhi is mein rahte the dil yar ka bhi kashana tha

ek taraf kabe ke jalwe ek taraf but-KHana tha

tirī raah meñ jo fanā hue kahūñ kyā jo un kā maqām hai

na ye āsmān hai na ye zamīñ na ye sub.h hai na ye shaam hai

teri rah mein jo fana hue kahun kya jo un ka maqam hai

na ye aasman hai na ye zamin na ye subh hai na ye sham hai

ārām ho sukūn ho saare jahān ko

jumbish na ho zamīñ kī tarah āsmān ko

aaram ho sukun ho sare jahan ko

jumbish na ho zamin ki tarah aasman ko

ishq-e-lā-mahdūd jab tak rahnumā hotā nahīñ

zindagī se zindagī kā haq adā hotā nahīñ

ishq-e-la-mahdud jab tak rahnuma hota nahin

zindagi se zindagi ka haq ada hota nahin

kisī but kī adā ne maar Daalā

bahāne se ḳhudā ne maar Daalā

kisi but ki ada ne mar Dala

bahane se KHuda ne mar Dala

jab nazar us kī paḌī ham āsmāñ se gir paḌe

us ke phirte hī jahāñ ye ham se saarā phir gayā

jab nazar us ki paDi hum aasman se gir paDe

us ke phirte hi jahan ye hum se sara phir gaya

azal se hai āsmāñ ḳhamīda na kar sakā phir bhī ek sajda

vo DhūñDhtā hai jis āstāñ ko vo āstāna milā nahīñ hai

azal se hai aasman KHamida na kar saka phir bhi ek sajda

wo DhunDhta hai jis aastan ko wo aastana mila nahin hai

koī jāgah nahīñ par us se ḳhālī

zamīn ho arsh ho yā āsmāñ ho

koi jagah nahin par us se KHali

zamin ho arsh ho ya aasman ho

huā ye ma.alūm ba.ad-muddat kisī kī nairañgī-e-sitam se

sitam b-andāza-e-adā hai adā ba-qadr-e-jafā nahīñ hai

hua ye malum baad-muddat kisi ki nairangi-e-sitam se

sitam b-andaza-e-ada hai ada ba-qadr-e-jafa nahin hai

ye aaheñ haiñ merī ye naale haiñ mere

jinheñ āsmāñ āsmāñ dekhte haiñ

ye aahen hain meri ye nale hain mere

jinhen aasman aasman dekhte hain

syāhī tīra-baḳhtī kī hamārī

shab-e-ġham ban ga.ī hai āsmāñ par

syahi tira-baKHti ki hamari

shab-e-gham ban gai hai aasman par

kū-e-jānāñ bhī na chhoḌā ḳhāna-vīrānī ke ba.ad

dekhnā hai ab kahāñ ye āsmāñ le jā.egā

ku-e-jaanan bhi na chhoDa KHana-virani ke baad

dekhna hai ab kahan ye aasman le jaega

is tañg-nā-e-dahr se bāhar qadam ko rakh

hai āsmāñ zamīñ se pare vus.at-e-mazār

is tang-na-e-dahr se bahar qadam ko rakh

hai aasman zamin se pare wusat-e-mazar

dil to aur hī makāñ meñ phirtā hai

na zamīñ hai na āsmāñ hai yaad

dil to aur hi makan mein phirta hai

na zamin hai na aasman hai yaad

mere aaqā mere murshid 'bedam'-e-alī-janāb

dar-haqīqat āsmān-e-vārsī ke āftāb

mere aaqa mere murshid 'bedam'-e-ali-janab

dar-haqiqat aasman-e-warsi ke aaftab