Arzu Shayari

aarzū dāram ki mehmānat kunam

jān-o-dil ai dost qurbānat kunam

aarzu daram ki mehmanat kunam

jaan-o-dil ai dost qurbanat kunam

sāġhar kī aarzū hai na paimāna chāhiye

bas ik nigāh-e-murshid-e-mai-ḳhāna chāhiye

saghar ki aarzu hai na paimana chahiye

bas ek nigah-e-murshid-e-mai-KHana chahiye

aarzū ye hai tumhārā āñchal āñkhoñ se lage

kuchh samajhte ho ki ham rote hue aate haiñ kyuuñ

aarzu ye hai tumhaara aanchal aankhon se lage

kuchh samajhte ho ki hum rote hue aate hain kyun

raft yaar va ārzū-e-ū ze-jān-e-man na-raft

naqsh-e-ū az pesh-e-chashm-e-ḳhūñ-fishān-e-man na-raft

raft yar wa aarzu-e-u ze-jaan-e-man na-raft

naqsh-e-u az pesh-e-chashm-e-KHun-fishan-e-man na-raft

dāram hama jā bā-hama-kas dar hama haal

dar dil ze-tū aarzū va dar dīda-ḳhayāl

daram hama ja ba-hama-kas dar hama haal

dar dil ze-tu aarzu wa dar dida-KHayal

aarzū hasrat tamannā mudda.ā koī nahīñ

jab se tum ho mere dil meñ dūsrā koī nahīñ

aarzu hasrat tamanna muddaa koi nahin

jab se tum ho mere dil mein dusra koi nahin

har aañkh ko hai tirī tamannā

har dil meñ tirī hī aarzū hai

har aankh ko hai teri tamanna

har dil mein teri hi aarzu hai

aarzū hai 'vafā' yahī apnī

un ke qadmoñ meñ dam nikal jaa.e

aarzu hai 'wafa' yahi apni

un ke qadmon mein dam nikal jae

aarzū hai ki tirā dhyān rahe tā-dam-e-marg

shakl terī nazar aa.e mujhe jab aa.e ajal

aarzu hai ki tera dhyan rahe ta-dam-e-marg

shakl teri nazar aae mujhe jab aae ajal

terī ulfat sho.abada-parvāz hai

aarzū gar hai tamannā-sāz hai

teri ulfat shoabada-parwaz hai

aarzu gar hai tamanna-saz hai

kahīñ ruḳh badal na le ab mirī aarzū kā dhārā

vo badal rahe haiñ nazreñ mirī zindagī badal kar

kahin ruKH badal na le ab meri aarzu ka dhaara

wo badal rahe hain nazren meri zindagi badal kar

ise bhī nāvak-e-jānāñ tū apne saath letā jā

ki merī aarzū dil se nikalne ko tarastī hai

ise bhi nawak-e-jaanan tu apne sath leta ja

ki meri aarzu dil se nikalne ko tarasti hai

aarzū thī karbalā meñ dafn hote 'arsh' ham

dekhte mar kar bhī rauza hazrat-e-shabbīr kā

aarzu thi karbala mein dafn hote 'arsh' hum

dekhte mar kar bhi rauza hazrat-e-shabbir ka

pahuñch jaatī hai kisī ke gosh-e-dil tak

hamārī aarzū itnī kahāñ hai

pahunch jati hai kisi ke gosh-e-dil tak

hamari aarzu itni kahan hai

ye fareb-e-taskīñ hai tark-e-ārzū ma.alūm

tark-e-ārzū 'maikash' ye bhī aarzū hī hai

ye fareb-e-taskin hai tark-e-arzu malum

tark-e-arzu 'maikash' ye bhi aarzu hi hai

hasrat-o-yās-o-ārzū shauq kā iqtidā kareñ

kushta-e-ġham kī laash par dhuum se ho namāz-e-ishq

hasrat-o-yas-o-arzu shauq ka iqtida karen

kushta-e-gham ki lash par dhum se ho namaz-e-ishq

muddatoñ se aarzū ye dil meñ hai

ek din tū ghar hamāre aa.iye

muddaton se aarzu ye dil mein hai

ek din tu ghar hamare aaiye

us vaqt tak sulagtī rahī us kī aarzū

jab tak dhueñ se saarā badan bhar nahīñ gayā

us waqt tak sulagti rahi us ki aarzu

jab tak dhuen se sara badan bhar nahin gaya

bād-e-rahmat madīna se chaltī rahe

ġhuncha-e-ārzū muskurātā rahe

baad-e-rahmat madina se chalti rahe

ghuncha-e-arzu muskuraata rahe

is aarzū se hazar ḳhū-e-zindagī se hazar

jo tāb-o-tāqat-e-iz.hār-e-lab-kushā.ī na de

is aarzu se hazar KHu-e-zindagi se hazar

jo tab-o-taqat-e-izhaar-e-lab-kushai na de

donoñ jānib agar aarzū vasl kī koī tūfāñ uThā.e to maiñ kyā karūñ

ishq unheñ gudgudā.e to vo kyā kareñ husn mujh ko bulā.e to maiñ kyā karūñ

donon jaanib agar aarzu wasl ki koi tufan uThae to main kya karun

ishq unhen gudgudae to wo kya karen husn mujh ko bulae to main kya karun

aarzū ham nāḳhudā kī kyuuñ kareñ

apnī kashtī kā to afsar aur hai

aarzu hum naKHuda ki kyun karen

apnī kashti ka to afsar aur hai

rahī ye aarzū āḳhir ke dam tak

na pahuñchā sar mirā tere qadam tak

rahi ye aarzu aaKHir ke dam tak

na pahuncha sar mera tere qadam tak

gunah kuchh hor bhī karnā to kar le aarzū mat rakh

nahīñ tere gunāhāñ kuuñ to kachchā hadd-o-shumār āḳhir

gunah kuchh hor bhi karna to kar le aarzu mat rakh

nahin tere gunahan kun to kachcha hadd-o-shumar aaKHir

pūchhte haiñ vo aarzū 'kausar'

dil meñ armāñ ek ho to kahūñ

puchhte hain wo aarzu 'kausar'

dil mein arman ek ho to kahun

ye aarzū hai ki vo nāma-bar se le kāġhaz

balā se phaaḌ ke phir haath meñ na le kāġhaz

ye aarzu hai ki wo nama-bar se le kaghaz

bala se phaD ke phir hath mein na le kaghaz

arabī nahīñ ajamī sahī magar aarzū hai ki 'vārisī'

kabhī apnā naġhma-e-mashriqī maiñ sunūñ navā-e-hijāz meñ

arabi nahin ajami sahi magar aarzu hai ki 'warisi'

kabhi apna naghma-e-mashriqi main sunun nawa-e-hijaz mein

anjuman-sāz-e-aish tū hai yahāñ

aur phir kis kī aarzū hai yahāñ

anjuman-saz-e-aish tu hai yahan

aur phir kis ki aarzu hai yahan

mohabbat meñ sarāpā ārzū-dar-ārzū maiñ huuñ

tamannā dil mirā hai aur mire dil kī tamannā tū

mohabbat mein sarapa aarzu-dar-arzu main hun

tamanna dil mera hai aur mere dil ki tamanna tu

merā dam bhī sama.a meñ nikle

ab yahī hai ik aarzū ḳhvāja

mera dam bhi sama mein nikle

ab yahī hai ek aarzu KHwaja

kalīm baat baḌhāte na guftugū karte

lab-e-ḳhāmosh se iz.hār-e-ārzū karte

kalim baat baDhate na guftugu karte

lab-e-KHamosh se izhaar-e-arzu karte

mileñ bhī vo to kyūñkar aarzū bar aa.egī dil kī

na hogā ḳhud ḳhayāl un ko na hogī iltijā mujh se

milen bhi wo to kyunkar aarzu bar aaegi dil ki

na hoga KHud KHayal un ko na hogi iltija mujh se

tasavvur meñ vo ā.eñge to puurī aarzū hogī

vo mere paas hoñge aur un se guftugū hogī

tasawwur mein wo aaenge to puri aarzu hogi

wo mere pas honge aur un se guftugu hogi

ab to 'sādiq' hai ye aarzū

ishq hī merī manzil bane

ab to 'sadiq' hai ye aarzu

ishq hi meri manzil bane

na nikle jab koī armāñ na koī aarzū niklī

to apnī hasratoñ kā ḳhuun honā is ko kahte haiñ

na nikle jab koi arman na koi aarzu nikli

to apni hasraton ka KHun hona is ko kahte hain

hamārī aarzū dil kī tumhārī jumbish-e-lab par

tamannā ab bar aatī hai agar kuchh lab-kushā tum ho

hamari aarzu dil ki tumhaari jumbish-e-lab par

tamanna ab bar aati hai agar kuchh lab-kusha tum ho

bayān-e-dard-āgīñ hai kahegā jā ke kyā qāsid

hadīs-e-ārzū merī pareshāñ dāstāñ merī

bayan-e-dard-agin hai kahega ja ke kya qasid

hadis-e-arzu meri pareshan dastan meri

chashm-e-haq-bīñ ho chukī hai shād-kām-e-ārzū

toḌtā hai ab tilism-e-jalva-e-bātil mujhe

chashm-e-haq-bin ho chuki hai shad-kaam-e-arzu

toDta hai ab tilism-e-jalwa-e-baatil mujhe

mujhe har-qadam terī justujū mujhe har-nafs terī aarzū

mujhe apnā ġham hai na ġham-e-jahāñ terī shaan jalla-jalāluhu

mujhe har-qadam teri justuju mujhe har-nafs teri aarzu

mujhe apna gham hai na gham-e-jahan teri shan jalla-jalaluhu

sikhā.ī naaz ne qātil ko bedardī kī ḳhū barsoñ

rahī betāb siina meñ hamārī aarzū barsoñ

sikhai naz ne qatil ko bedardi ki KHu barson

rahi betab sina mein hamari aarzu barson

yahī aarzū dil meñ dhartā achhe

ḳhudā suuñ munājāt kartā achhe

yahi aarzu dil mein dharta achhe

KHuda sun munajat karta achhe

lagte hī Thes TuuT gayā sāz-e-ārzū

milte hī aañkh shīsha-e-dil chuur chuur thā

lagte hi Thes TuT gaya saz-e-arzu

milte hi aankh shisha-e-dil chur chur tha

kuchh aarzū se kaam nahīñ 'ishq' ko sabā

manzūr us ko hai vahī jo ho razā-e-gul

kuchh aarzu se kaam nahin 'ishq' ko saba

manzur us ko hai wahi jo ho raza-e-gul

mirī aarzū ke charāġh par koī tabsira bhī kare to kyā

kabhī jal uThā sar-e-shām se kabhī bujh gayā sar-e-shām se

meri aarzu ke charagh par koi tabsira bhi kare to kya

kabhi jal uTha sar-e-sham se kabhi bujh gaya sar-e-sham se

ye aarzū hai ki me.arāj-e-zindagī ho jaa.e

ġhulām kī dar-e-āqā pe hāzirī ho jaa.e

ye aarzu hai ki mearaj-e-zindagi ho jae

ghulam ki dar-e-aqa pe haziri ho jae

tumhāre talvoñ ke aarzū meñ pisī huī hai ghulī huī hai

hinā kī sarsabz pattiyoñ meñ jo laal rañgat chhipī huī hai

tumhaare talwon ke aarzu mein pisi hui hai ghuli hui hai

hina ki sarsabz pattiyon mein jo lal rangat chhipi hui hai

dī sadā ye hātif-e-ġhaibī ne hañgām-e-duā

aarzū puurī 'azīz-e-vārsī' ho jā.egī

di sada ye hatif-e-ghaibi ne hangam-e-dua

aarzu puri 'aziz-e-warsi' ho jaegi

sāhil kī aarzū nahīñ ta.alīm-e-mustafā

ye naav to rozāna hī mañjdhār se huī

sahil ki aarzu nahin talim-e-mustafa

ye naw to rozana hi manjdhaar se hui

na khiltī kalī go mirī aarzū kī

girah un ke band-e-qabā kī to hotī

na khilti kali go meri aarzu ki

girah un ke band-e-qaba ki to hoti

mujhe aish-o-ġham meñ ġharaz nahīñ agar aarzū hai to hai yahī

ki umañg ban ke chhupā rahe koī dil ke parda-e-rāz meñ

mujhe aish-o-gham mein gharaz nahin agar aarzu hai to hai yahi

ki umang ban ke chhupa rahe koi dil ke parda-e-raaz mein