mirī aarzū ke charāġh par koī tabsira bhī kare to kyā
kabhī jal uThā sar-e-shām se kabhī bujh gayā sar-e-shām se
meri aarzu ke charagh par koi tabsira bhi kare to kya
kabhi jal uTha sar-e-sham se kabhi bujh gaya sar-e-sham se
lagte haiñ ye mehr-o-māh-o-anjum
dehlī ke charāġh hī kā partav
lagte hain ye mehr-o-mah-o-anjum
dehli ke charagh hi ka partaw
āshiq na ho to husn kā ghar be-charāġh hai
lailā ko qais sham.a ko parvāna chāhiye
aashiq na ho to husn ka ghar be-charagh hai
laila ko qais shama ko parwana chahiye
maiñ jalātā rahā tere liye lamhoñ ke charāġh
tū guzartā huā sadiyoñ kī savārī meñ milā
main jalata raha tere liye lamhon ke charagh
tu guzarta hua sadiyon ki sawari mein mila
mire āñsuoñ ke qatre haiñ chārāġh-e-rah-e-manzil
unheñ raushnī milī hai tapish-e-dil-o-jigar se
mere aansuon ke qatre hain chaaragh-e-rah-e-manzil
unhen raushni mili hai tapish-e-dil-o-jigar se
maiñ añdherī gor huuñ aur tū tajallī tuur kī
raushnī de jā charāġh-e-rū-e-jānāna mujhe
main andheri gor hun aur tu tajalli tur ki
raushni de ja charagh-e-ru-e-jaanana mujhe
'bedam' tumhārī āñkheñ haiñ kyā arsh kā charāġh
raushan kiyā hai naqsh-e-kaf-e-pā-e-yār ne
'bedam' tumhaari aankhen hain kya arsh ka charagh
raushan kiya hai naqsh-e-kaf-e-pa-e-yar ne
kashish charāġh kī ye baat kar ga.ī raushan
patiñge ḳhud nahīñ aate bulā.e jaate haiñ
kashish charagh ki ye baat kar gai raushan
patinge KHud nahin aate bulae jate hain
chāñd sī peshānī sindūr kā Tiikā nahīñ
bām-e-ka.aba par charāġh is ne jalā kar rakh diyā
chand si peshani sindur ka Tika nahin
baam-e-kaba par charagh is ne jala kar rakh diya
na lāla-zār banānā mazār ko na sahī
charāġh ke aage kabhī shaam ko jalā denā
na lala-zar banana mazar ko na sahi
charagh ke aage kabhi sham ko jala dena
firāq meñ haiñ ham andāz dil kā paa.e hue
ye vo charāġh hai jaltā hai be-jalā.e hue
firaq mein hain hum andaz dil ka pae hue
ye wo charagh hai jalta hai be-jalae hue
huā gul mirī zindagī kā charāġh
numāyāñ jo shām-e-musībat huī
hua gul meri zindagi ka charagh
numayan jo sham-e-musibat hui
baḌe ḳhulūs se māñgī thī raushnī kī duā
baḌhā kuchh aur añdherā charāġh jalne se
baDe KHulus se mangi thi raushni ki dua
baDha kuchh aur andhera charagh jalne se
mire nasheman meñ shān-e-qudrat ke saare asbāb haiñ muhayyā
havā safā.ī pe hai muqarrar charāġh bijlī jalā rahī hai
mere nasheman mein shan-e-qudrat ke sare asbab hain muhayya
hawa safai pe hai muqarrar charagh bijli jala rahi hai
mehr-e-ḳhūbāñ ḳhāna-afroz-e-dil-afsurda hai
sho.ala āb-e-zindagānī-e-charāġh-e-murda hai
mehr-e-KHuban KHana-afroz-e-dil-afsurda hai
shoala aab-e-zindagani-e-charagh-e-murda hai
andhāre meñ paḌā huuñ kasrat ke vahm se
vahdāniyat kā lutf suuñ raushan charāġh baḳhsh
andhaare mein paDa hun kasrat ke wahm se
wahdaniyat ka lutf sun raushan charagh baKHsh
maiñ vo gul huuñ na fursat dī ḳhizāñ ne jis ko hañsne kī
charāġh-e-qabr bhī jal kar na apnā gul-fishāñ hogā
main wo gul hun na fursat di KHizan ne jis ko hansne ki
charagh-e-qabr bhi jal kar na apna gul-fishan hoga
charāġh-e-gor na sham-e-mazār rakhte haiñ
bas ek ham ye dil-e-dāġhdār rakhte haiñ
charagh-e-gor na sham-e-mazar rakhte hain
bas ek hum ye dil-e-daghdar rakhte hain
vo kyā hayāt hai jo tark-e-bandagī na huī
charāġh jaltā rahā aur raushnī na huī
wo kya hayat hai jo tark-e-bandagi na hui
charagh jalta raha aur raushni na hui
ga.e pahlū se tum kyā ghar meñ hañgāma thā mahshar kā
charāġh-e-sub.h-gāhī meñ jamāl-e-sham-e-anvar meñ
gae pahlu se tum kya ghar mein hangama tha mahshar ka
charagh-e-subh-gahi mein jamal-e-sham-e-anwar mein
sub.h nahīñ be-vaj.h jalā.e laale ne gulshan meñ charāġh
dekh ruḳh-e-gulnār-e-sanam niklā hai vo laala phūloñ kā
subh nahin be-wajh jalae lale ne gulshan mein charagh
dekh ruKH-e-gulnar-e-sanam nikla hai wo lala phulon ka
mire dāġh-e-dil vo charāġh haiñ nahīñ nisbateñ jinheñ shaam se
unheñ tū hī aa ke bujhā.egā ye jale haiñ tere hī naam se
mere dāġh-e-dil wo charāġh haiñ nahīñ nisbateñ jinheñ sham se
unheñ tū hī aa ke bujhāegā ye jale haiñ tere hī nam se
bujh rahe haiñ charāġh ashkoñ ke
kaise tābinda raat kī jaa.e
bujh rahe hain charagh ashkon ke
kaise tabinda raat ki jae
nahīñ aatī kisī ko maut duniyā-e-mohabbat meñ
charāġh-e-zindagī kī lau yahāñ maddham nahīñ hotī
nahin aati kisi ko maut duniya-e-mohabbat mein
charagh-e-zindagi ki lau yahan maddham nahin hoti
nahīñ laḳht-e-jigar ye chashm meñ phirte ki mardum ne
charāġh ab karke raushan chhoḌe haiñ do-chār paanī meñ
nahin laKHt-e-jigar ye chashm mein phirte ki mardum ne
charagh ab karke raushan chhoDe hain do-chaar pani mein
vo zulmateñ haiñ rah-e-zīst meñ qadam-ba-qadam
charāġh-e-dil bhī jalā.eñ to kuchh sujhā.ī na de
wo zulmaten hain rah-e-zist mein qadam-ba-qadam
charagh-e-dil bhi jalaen to kuchh sujhai na de
aage qadam baḌhā.eñ jinheñ sūjhtā nahīñ
raushan charāġh-e-rāh kiye jā rahā huuñ maiñ
aage qadam baDhaen jinhen sujhta nahin
raushan charagh-e-rah kiye ja raha hun main
apnā banā ke ai sanam tum ne jo aañkh pher lī
aisā bujhā charāġh-e-dil phir ye kabhī jalā nahīñ
apnā banā ke ai sanam tum ne jo aañkh pher lī
aisā bujhā charāġh-e-dil phir ye kabhī jalā nahīñ
jalā huuñ ātish-e-furqat se maiñ ai sho.ala-rū yaañ tak
charāġh-e-ḳhāna mujh ko dekh kar har shaam jaltā hai
jalā huñ ātish-e-furqat se maiñ ai shoala-rū yañ tak
charāġh-e-ḳhāna mujh ko dekh kar har sham jaltā hai
hājat-e-sham.a kyā hai turbat par
ham ki dil sā charāġh rakhte haiñ
hajat-e-shama kya hai turbat par
hum ki dil sa charagh rakhte hain
jhoñke nasīm-e-sub.h ke aa aa ke hijr meñ
ik din charāġh-e-hastī-e-āshiq bujhā.eñge
jhonke nasim-e-subh ke aa aa ke hijr mein
ek din charagh-e-hasti-e-ashiq bujhaenge
sāñsoñ kī oT le ke chalā huuñ charāġh-e-dil
siine meñ jo nahīñ vo ghuTan rāste meñ hai
sanson ki oT le ke chala hun charagh-e-dil
sine mein jo nahin wo ghuTan raste mein hai
dāġh-e-sozāñ chhoḌ kar āshiq ne lī rāh-e-adam
pisaro tum ko charāġh-e-rahguzar darkār thā
dagh-e-sozan chhoD kar aashiq ne li rah-e-adam
pisaro tum ko charagh-e-rahguzar darkar tha
añdhere laakh chhā jaa.eñ ujālā kam nahīñ hotā
charāġh-e-ārzū jal kar kabhī maddham nahīñ hotā
añdhere lakh chhā jaeñ ujālā kam nahīñ hotā
charāġh-e-ārzū jal kar kabhī maddham nahīñ hotā
hazār rañg-e-zamāna badle hazār daur-e-nashāt aa.e
jo bujh chukā hai havā-e-ġham se charāġh phir vo jalā nahīñ hai
hazar rang-e-zamana badle hazar daur-e-nashat aae
jo bujh chuka hai hawa-e-gham se charagh phir wo jala nahin hai
aaj ik aur baras biit gayā us ke baġhair
jis ke hote hue hote the zamāne mere
