Eid Shayari

mujh ḳhasta-dil kī iid kā kyā pūchhnā huzūr

jin ke gale se aap mile un kī iid hai

mujh KHasta-dil ki id ka kya puchhna huzur

jin ke gale se aap mile un ki id hai

sab se hue vo sīna-ba-sīna ham se milāyā ḳhālī haath

iid ke din jo sach pūchho to iid manā.ī logoñ ne

sab se hue wo sina-ba-sina hum se milaya KHali hath

id ke din jo sach puchho to id manai logon ne

ho ke ḳhush kaTvāte haiñ apne gale

āshiqoñ kī īd-e-qurbāñ aur hai

ho ke KHush kaTwate hain apne gale

aashiqon ki id-e-qurban aur hai

kareñ āh-o-fuġhāñ phoḌeñ-phaphole is tarah dil ke

irāda hai ki ro.eñ iid ke din bhī gale mil ke

karen aah-o-fughan phoDen-phaphole is tarah dil ke

irada hai ki roen id ke din bhi gale mil ke

iid se bhī kahīñ baḌh kar hai ḳhushī aalam meñ

jab se mash.hūr huī hai ḳhabar-e-āmad-e-yār

id se bhi kahin baDh kar hai KHushi aalam mein

jab se mashhur hui hai KHabar-e-amad-e-yar

kal ġhair ke dhoke meñ vo iid mile ham se

kholī bhī to dushman ne taqdīr-e-ham-āġhoshī

kal ghair ke dhoke mein wo id mile hum se

kholi bhi to dushman ne taqdir-e-ham-aghoshi

hājiyoñ ko ho mubārak haj-e-īd

āshiqoñ kā haj-e-akbar aur hai

hajiyon ko ho mubarak haj-e-id

aashiqon ka haj-e-akbar aur hai

tujh se milne kā batā phir kaun sā din aa.egā

iid ko bhī mujh se gar ai merī jaañ miltā nahīñ

tujh se milne ka bata phir kaun sa din aaega

id ko bhi mujh se gar ai meri jaan milta nahin

abr tumhāre kuuñ jo hai ba-shakl hilāl-e-īd

mehrāb-e-sajda tā.at-e-ahl-e-safā kahūñ

abr tumhaare kun jo hai ba-shakl hilal-e-id

mehrab-e-sajda taat-e-ahl-e-safa kahun

rind pī-pī ke gale milte haiñ kiyā ek se ek

’iid ka din hai ki ahl-e-ḳharābāt kī raat

rind pi-pi ke gale milte hain kiya ek se ek

’id ka din hai ki ahl-e-KHarabaat ki raat

ḳhushī hai sab ko roz-e-īd kī yaañ

hue haiñ mil ke bāham āshnā ḳhush

ḳhushī hai sab ko roz-e-īd kī yañ

hue haiñ mil ke bāham āshnā ḳhush

jis roz ki pahuñche hai na.ī koī musībat

us roz terā ḳhūgar-e-ġham iid kare hai

jis roz ki pahunche hai nai koi musibat

us roz tera KHugar-e-gham id kare hai