عید پر اشعار

مجھ خستہ دل کی عید کا کیا پوچھنا حضور

جن کے گلے سے آپ ملے ان کی عید ہے

سب سے ہوئے وہ سینہ بہ سینہ ہم سے ملایا خالی ہاتھ

عید کے دن جو سچ پوچھو تو عید منائی لوگوں نے

ہو کے خوش کٹواتے ہیں اپنے گلے

عاشقوں کی عید قرباں اور ہے

کریں آہ و فغاں پھوڑیں پھپھولے اس طرح دل کے

ارادہ ہے کہ روئیں عید کے دن بھی گلے مل کے

عید سے بھی کہیں بڑھ کر ہے خوشی عالم میں

جب سے مشہور ہوئی ہے خبر آمد یار

کل غیر کے دھوکے میں وہ عید ملے ہم سے

کھولی بھی تو دشمن نے تقدیر ہم آغوشی

حاجیوں کو ہو مبارک حج عید

عاشقوں کا حج اکبر اور ہے

تجھ سے ملنے کا بتا پھر کون سا دن آئے گا

عید کو بھی مجھ سے گر اے میری جاں ملتا نہیں

ابر تمہارے کوں جو ہے بہ شکل ہلال عید

محراب سجدہ طاعت اہل صفا کہوں

رند پی پی کے گلے ملتے ہیں کیا ایک سے ایک

عید کا دن ہے کہ اہل خرابات کی رات

خوشی ہے سب کو روز عید کی یاں

ہوئے ہیں مل کے باہم آشنا خوش

جس روز کہ پہنچے ہے نئی کوئی مصیبت

اس روز تیرا خوگر غم عید کرے ہے