Gair Shayari

kaise kah duuñ ki ġhair se miliye

an-kahī to kahī nahīñ jaatī

kaise kah dun ki ghair se miliye

an-kahi to kahi nahin jati

maiñ fida-e-murshid-e-pāk huuñ dar-e-bārgāh kī ḳhaak huuñ

vo samā ke mujh meñ ye kahte haiñ ki 'azīz' ġhair-muhāl hai

main fida-e-murshid-e-pak hun dar-e-bargah ki KHak hun

wo sama ke mujh mein ye kahte hain ki 'aziz' ghair-muhaal hai

vo rahe āñkhoñ meñ merī maiñ na dekhūñ ġhair ko

ye hamāre aur un ke ahd-o-paimāñ ho gayā

wo rahe aankhon mein meri main na dekhun ghair ko

ye hamare aur un ke ahd-o-paiman ho gaya

maiñ ne pūchhā ġhair ke ghar aap kyā karte rahe

hañs ke farmāyā tumhārā rāstā dekhā kiye

main ne puchha ghair ke ghar aap kya karte rahe

hans ke farmaya tumhaara rasta dekha kiye

ġhair jab tak na nikal jā.egā mahfil se tirī

ham na rakheñge tirī bazm meñ zinhār qadam

ghair jab tak na nikal jaega mahfil se teri

hum na rakhenge teri bazm mein zinhaar qadam

ġhair kā shikva kyūñkar rahtā dil meñ jab ummīdeñ thiiñ

apnā phir bhī apnā thā begāna phir begāna thā

ghair ka shikwa kyunkar rahta dil mein jab ummiden thin

apna phir bhi apna tha begana phir begana tha

'bedam' vo ḳhush nahīñ haiñ to achchhā yūñhī sahī

nā-ḳhush hī ho ke ġhair mirā kyā banā.eñge

'bedam' wo KHush nahin hain to achchha yunhi sahi

na-KHush hi ho ke ghair mera kya banaenge

bahut hī ḳhair guzrī hote hote rah ga.ī us se

jise meñ ġhair samjhā huuñ vo un kā pāsbāñ hogā

bahut hi KHair guzri hote hote rah gai us se

jise mein ghair samjha hun wo un ka pasban hoga

terī mahfil se uThātā ġhair mujh ko kyā majāl

dekhtā thā maiñ ki tū ne bhī ishāra kar diyā

teri mahfil se uThata ghair mujh ko kya majal

dekhta tha main ki tu ne bhi ishaara kar diya

vajūd-e-ġhair ho kaise gavārā

tirī rāhoñ meñ be-sāya gayā huuñ

wajud-e-ghair ho kaise gawara

teri rahon mein be-saya gaya hun

vo kuchh ġhair se va.ada farmā rahe haiñ

mare sar kī jhūTī qasam khā rahe haiñ

wo kuchh ghair se wada farma rahe hain

mare sar ki jhuTi qasam kha rahe hain

ġhair se mil kar unheñ nāhaq huā merā ḳhayāl

mujh se kyā matlab bhalā maiñ kyuuñ ḳhafā hone lagā

ghair se mil kar unhen nahaq hua mera KHayal

mujh se kya matlab bhala main kyun KHafa hone laga

ye faisla to bahut ġhair-munsifāna lagā

hamārā sach bhī adālat ko bāġhiyāna lagā

ye faisla to bahut ghair-munsifana laga

hamara sach bhi adalat ko baghiyana laga

jag meñ samajh ki ġhair-e-ḳhudā aur kuchh nahīñ

vohī dukān-dār ḳharīdār aur vohī matā.a

jag mein samajh ki ghair-e-KHuda aur kuchh nahin

wohi dukan-dar KHaridar aur wohi mataa

ġhair kī nazroñ se bach kar sab kī marzī ke ḳhilāf

vo tirā chorī-chhupe rātoñ ko aanā yaad hai

ghair ki nazron se bach kar sab ki marzi ke KHilaf

wo tera chori-chhupe raaton ko aana yaad hai

mere hote ġhair kī jānib tire abrū hileñ

dostī bālā-e-tāq apnī rakh ai dilbar uThā

mere hote ghair ki jaanib tere abru hilen

dosti baala-e-taq apnī rakh ai dilbar uTha

bad-gumānī hai mirī vo ġhair par hai mehrbāñ

aisā kāfir dil kisī par mehrbāñ hotā nahīñ

bad-gumani hai meri wo ghair par hai mehrban

aisa kafir dil kisi par mehrban hota nahin

tū chāhe na kar dil se ulfat tū chāhe na rakh mujh se nisbat

maiñ terī nazar meñ ġhair magar tū aur nahīñ maiñ aur nahīñ

tu chahe na kar dil se ulfat tu chahe na rakh mujh se nisbat

main teri nazar mein ghair magar tu aur nahin main aur nahin

yuuñ mujh pe jafā hazār kiijo

par ġhair ko to na pyaar kiijo

yun mujh pe jafa hazar kijo

par ghair ko to na pyar kijo

kal ġhair ke dhoke meñ vo iid mile ham se

kholī bhī to dushman ne taqdīr-e-ham-āġhoshī

kal ghair ke dhoke mein wo id mile hum se

kholi bhi to dushman ne taqdir-e-ham-aghoshi

gar kisī ġhair ko farmāoge tab jānoge

ve hamīñ haiñ ki bajā lāveñ jo irshād karo

gar kisi ghair ko farmaoge tab jaanoge

we hamin hain ki baja lawen jo irshad karo

mujh se avval na thā kuchh dahr meñ juz zāt-e-ḳhudā

ġhair-e-haq dekhā to phir kuchh na rahā mere bad

mujh se awwal na tha kuchh dahr mein juz zat-e-KHuda

ghair-e-haq dekha to phir kuchh na raha mere bad

ho rahā hai ġhair mujh se bad-gumāñ

hañs rahī hai pāk-dāmānī mirī

ho raha hai ghair mujh se bad-guman

hans rahi hai pak-damani meri

gar baḌe mard ho to ġhair ko yaañ jā diije

us ko kah dekhiye kuchh yā mujhe uThvā diije

gar baDe mard ho to ghair ko yan ja dije

us ko kah dekhiye kuchh ya mujhe uThwa dije

ġhair ke sau naaz tum par aur mujh par aap ke

aap dabte jā.iye mujh ko dabāte jā.iye

ghair ke sau naz tum par aur mujh par aap ke

aap dabte jaiye mujh ko dabaate jaiye

nahīñ us meñ to ġhair-az-jaur lekin

mujhe kyā jaane kyā aa.ī adā ḳhush

nahīñ us meñ to ġhair-az-jaur lekin

mujhe kyā jaane kyā aaī adā ḳhush

tire kūche kā rahnumā chāhtā huuñ

magar ġhair kā naqsh-e-pā chāhtā huuñ

tere kuche ka rahnuma chahta hun

magar ghair ka naqsh-e-pa chahta hun

ġhair-e-zāhir na mazāhir kī haqīqat samjhūñ

itnī tam.īz miyān-e-haq-o-bātil denā

ghair-e-zahir na mazahir ki haqiqat samjhun

itni tamiz miyan-e-haq-o-baatil dena

sāmne mere hī vo jaate haiñ bazm-e-ġhair meñ

al-madad ai zabt mujh ko kab tak us kā ġham rahe

samne mere hi wo jate hain bazm-e-ghair mein

al-madad ai zabt mujh ko kab tak us ka gham rahe

jise tum ġhair samjhe ho use ham yaar kahte haiñ

jahāñ ko ham sarāsar jalva-e-dīdār kahte haiñ

jise tum ghair samjhe ho use hum yar kahte hain

jahan ko hum sarasar jalwa-e-didar kahte hain

tū haqīqat-e-kul hai vahm ġhair-e-bātil hai

balki vahm-e-bātil bhī haq to ye hai tū hī hai

tu haqiqat-e-kul hai wahm ghair-e-baatil hai

balki wahm-e-baatil bhi haq to ye hai tu hi hai

har jagah jab tumhīñ ho ġhair nahīñ

donoñ-ālam meñ barmalā ho tum

har jagah jab tumhin ho ghair nahin

donon-alam mein barmala ho tum

ġhair hī kyā be-ruḳhī se aap kī

aaj 'bedam' bhī bahut be-dil gayā

ghair hi kya be-ruKHi se aap ki

aaj 'bedam' bhi bahut be-dil gaya

yahāñ iġhmāz tum kar lo vahāñ dekheñge mahshar meñ

chhuḌānā ġhair se dāman ko aur mujh se garebāñ ko

yahan ighmaz tum kar lo wahan dekhenge mahshar mein

chhuDana ghair se daman ko aur mujh se gareban ko

ek din vo mere ghar hai ek din vo us ke ghar

ġhair kī qismat bhī hai mere muqaddar kā javāb

ek din wo mere ghar hai ek din wo us ke ghar

ghair ki qismat bhi hai mere muqaddar ka jawab

ġhair-e-harf-e-niyāz so bhī kabhū

kah sakūñ huuñ majāl hai kuchh aur

ġhair-e-harf-e-niyāz so bhī kabhū

kah sakūñ huñ majāl hai kuchh aur

juz tere nahīñ ġhair ko rah dil ke nagar meñ

jab se ki tire ishq kā yaañ nazm-o-nasaq hai

juz tere nahin ghair ko rah dil ke nagar mein

jab se ki tere ishq ka yan nazm-o-nasaq hai

mujh ko tum ko ġhair ne rusvā kiyā

kah bhī do achchhā kiyā achchhā kiyā

mujh ko tum ko ghair ne ruswa kiya

kah bhi do achchha kiya achchha kiya

gavārā kis ko ho saaqī ye bū-e-ġhair sahbā ke

kisī ne pī hai sāġhar meñ jo bū hai ġhair-e-sāġhar meñ

gawara kis ko ho saqi ye bu-e-ghair sahba ke

kisi ne pi hai saghar mein jo bu hai ghair-e-saghar mein

aaj phir 'bedam' kī hālat ġhair hai

mai-kasho lenā zarā dekho gayā

aaj phir 'bedam' ki haalat ghair hai

mai-kasho lena zara dekho gaya

unhīñ kī chheḌ thī is rañg meñ bhī

ḳhayāl-e-ġhair thā bātil hamārā

unhin ki chheD thī is rang mein bhi

KHayal-e-ghair tha baatil hamara

ġhair-e-jauhar nahīñ e'rāz se un ko kuchh kaam

rañg-o-bū per nahīñ sāhib-nazrāñ jaate haiñ

ghair-e-jauhar nahin e'raaz se un ko kuchh kaam

rang-o-bu per nahin sahib-nazran jate hain

ġhair muñh taktā rahā maiñ arz-e-matlab kar chukā

mujh se un se āñkhoñ āñkhoñ meñ ishāra ho gayā

ghair munh takta raha main arz-e-matlab kar chuka

mujh se un se aankhon aankhon mein ishaara ho gaya

ab ġhair se bhī terī mulāqāt rah ga.ī

sach hai ki vaqt jaatā rahā baat rah ga.ī

ab ghair se bhi teri mulaqat rah gai

sach hai ki waqt jata raha baat rah gai

vo sar aur ġhair ke dar par jhuke taubā ma.āz-allāh

ki jis sar kī rasā.ī tere sañg-e-āstāñ tak hai

wo sar aur ghair ke dar par jhuke tauba maaz-allah

ki jis sar ki rasai tere sang-e-astan tak hai

nahīñ paḌte haiñ zamīñ par jo tire naqsh-e-qadam

kyuuñ uḌe rañg-e-hinā ġhair ke ghar jaane meñ

nahin paDte hain zamin par jo tere naqsh-e-qadam

kyun uDe rang-e-hina ghair ke ghar jaane mein

ġhair ke aage dil kī baat 'bayāñ'

aah merī zabān par aa.ī

ghair ke aage dil ki baat 'bayan'

aah meri zaban par aai

dil miTā jaatā hai aaj un kā ye aalam dekh kar

sharmgīñ haiñ ġhair se sargoshiyāñ hone ke ba.ad

dil miTa jata hai aaj un ka ye aalam dekh kar

sharmgin hain ghair se sargoshiyan hone ke baad

takiye meñ kyā rakhā hai ḳhat-e-ġhair kī tarah

dekhūñ to maiñ navishta-e-qismat mirā na ho

takiye mein kya rakha hai KHat-e-ghair ki tarah

dekhun to main nawishta-e-qismat mera na ho

kuchh na ho ai inqilāb-e-āsmāñ itnā to ho

ġhair kī qismat badal jaa.e merī taqdīr se

kuchh na ho ai inqilab-e-asman itna to ho

ghair ki qismat badal jae meri taqdir se