jo miTā hai tere jamāl par vo har ek ġham se guzar gayā
huiiñ jis pe terī navāzisheñ vo bahār ban ke sañvar gayā
jo miTa hai tere jamal par wo har ek gham se guzar gaya
huin jis pe teri nawazishen wo bahaar ban ke sanwar gaya
milā hai jo muqaddar meñ raqam thā
zahe qismat mire hisse meñ ġham thā
mila hai jo muqaddar mein raqam tha
zahe qismat mere hisse mein gham tha
mahsūs ye huā mujhe ehsās-e-ġham ke saath
maiñ us ke dam ke saath huuñ vo mere dam ke saath
mahsus ye hua mujhe ehsas-e-gham ke sath
main us ke dam ke sath hun wo mere dam ke sath
dekhiye ab ke ġham se jī merā
na bachegā bachegā kyā hogā
dekhiye ab ke ġham se jī merā
na bachegā bachegā kyā hogā
shab-e-ġham kis ārām se sau ga.e ham
fasāna tirī yaad kā kahte-kahte
shab-e-gham kis aaram se sau gae hum
fasana teri yaad ka kahte-kahte
maiñ vo saaf hī na kah duuñ jo hai farq mujh meñ tujh meñ
tirā dard dard-e-tanhā mirā ġham ġham-e-zamāna
main wo saf hi na kah dun jo hai farq mujh mein tujh mein
tera dard dard-e-tanha mera gham gham-e-zamana
rakhte haiñ dushmanī bhī jatāte haiñ pyaar bhī
haiñ kaise ġham-gusār mire ġham-gusār bhī
rakhte hain dushmani bhi jatate hain pyar bhi
hain kaise gham-gusar mere gham-gusar bhi
maiñ talḳhī-e-hayāt se ghabrā ke pī gayā
ġham kī siyāh raat se ghabrā ke pī gayā
main talKHi-e-hayat se ghabra ke pi gaya
gham ki siyah raat se ghabra ke pi gaya
ġham-e-jānāñ ġham-e-ayyām ke sāñche meñ Dhaltā hai
ke ik ġham dūsre kā chāragar hai ham na kahte the
gham-e-jaanan gham-e-ayyam ke sanche mein Dhalta hai
ke ek gham dusre ka chaaragar hai hum na kahte the
dil gayā raunaq-e-hayāt ga.ī
ġham gayā saarī kā.enāt ga.ī
dil gaya raunaq-e-hayat gai
gham gaya sari kaenat gai
duniyā ke har ik ġham se behtar hai ġham-e-jānāñ
sau sham.a bujhā kar ham ik sham.a jalā leñge
duniya ke har ek gham se behtar hai gham-e-jaanan
sau shama bujha kar hum ek shama jala lenge
rakhā na ab kahīñ kā dil-e-be-qarār ne
barbād kar diyā ġham-e-be-iḳhtiyār ne
rakha na ab kahin ka dil-e-be-qarar ne
barbaad kar diya gham-e-be-iKHtiyar ne
ba-sad nā-murādī murād apnī 'kāmil'
kisī kā ġham-e-mo'tabar allāh allāh
ba-sad na-muradi murad apnī 'kaamil'
kisi ka gham-e-mo'tabar allah allah
jo dil ho jalva-gāh-e-nāz is meñ ġham nahīñ hotā
jahāñ sarkār hote haiñ vahāñ mātam nahīñ hotā
jo dil ho jalwa-gah-e-naz is mein gham nahin hota
jahan sarkar hote hain wahan matam nahin hota
āḳhir ġham-e-hayāt ke mātam se fā.ida
ġham zindagī ke saath ḳhusī zindagī ke saath
aaKHir gham-e-hayat ke matam se faida
gham zindagi ke sath KHusi zindagi ke sath
na kar nāsehā zabt-e-ġham kī nasīhat
ki hai sabr dushvār jān-e-hazīñ par
na kar naseha zabt-e-gham ki nasihat
ki hai sabr dushwar jaan-e-hazin par
tire ġham ko duniyā meñ ai jān-e-'ālam
koī ruuh mahrūm-e-rāhat nahīñ hai
tere gham ko duniya mein ai jaan-e-'alam
koi ruh mahrum-e-rahat nahin hai
tere ġham ne ye din dikhāyā mujhe
ki mujh se hī āḳhir chhuḌāyā mujhe
tere gham ne ye din dikhaya mujhe
ki mujh se hi aaKHir chhuDaya mujhe
bas vahī paatā hai 'aish-e-zindagī
jis ko ġham meñ mubtalā kartā hai 'ishq
bas wahi pata hai 'aish-e-zindagi
jis ko gham mein mubtala karta hai 'ishq
shab-e-visāl bayān-e-ġham-e-firāq ’abas
fuzūl hai gila-e-zaḳhm-e-iltiyām ke baa'd
shab-e-visal bayan-e-gham-e-firaq ’abas
fuzul hai gila-e-zaKHm-e-iltiyam ke ba'd
ishq meñ tere koh-e-ġham sar pe liyā jo ho so ho
aish-o-nishāt-e-zindagī chhoḌ diyā jo ho so ho
ishq mein tere koh-e-gham sar pe liya jo ho so ho
aish-o-nishat-e-zindagi chhoD diya jo ho so ho
vo aañkh mere liye nam hai kyā kiyā jaa.e
use bhī aaj mirā ġham hai kyā kiyā jaa.e
wo aankh mere liye nam hai kya kiya jae
use bhi aaj mera gham hai kya kiya jae
mil gayā raah meñ mujh ko jab vo sanam laakh dil ko sambhālā kiyā zabt-e-ġham
dil meñ hasrat liye chand aañsū magar daf'atan muskurā.e to maiñ kyā karūñ
mil gaya rah mein mujh ko jab wo sanam lakh dil ko sambhaala kiya zabt-e-gham
dil mein hasrat liye chand aansu magar daf'atan muskurae to main kya karun
kūche meñ tire ai jān-e-ġhazal ye raaz khulā ham par aa kar
ġham bhī to 'ināyat hai terī ham ġham kā mudāvā bhuul ga.e
kuche mein tere ai jaan-e-ghazal ye raaz khula hum par aa kar
gham bhi to 'inayat hai teri hum gham ka mudawa bhul gae
miT jaa.e apnī hastī-e-mauhūm ġham hai kyā
ho dil ko tirā ġham koī ho ho na ho na ho
miT jae apni hasti-e-mauhum gham hai kya
ho dil ko tera gham koi ho ho na ho na ho
kiye mujh pe ehsāñ ġham-e-yār ne
hamesha ko nīchī nazar ho ga.ī
kiye mujh pe ehsan gham-e-yar ne
hamesha ko nichi nazar ho gai
kuchh rahā bhī hai bīmār-e-ġham meñ
ab davā ho to kis kī davā ho
kuchh raha bhi hai bimar-e-gham mein
ab dawa ho to kis ki dawa ho
kabhī vartā-e-ġham meñ dil ko Dubo kar kabhī ḳhuun pī kar kabhī ḳhuun ro kar
bahul kuchh abhī abpnī rūdād-e-ġham ko isī tarah rañgīñ banānā paḌegā
kabhi warta-e-gham mein dil ko Dubo kar kabhi KHun pi kar kabhi KHun ro kar
bahul kuchh abhi abpni rudad-e-gham ko isi tarah rangin banana paDega
zabt-e-ġham kī ye qīmat milī
bevafā.ī kī tohmat milī
zabt-e-gham ki ye qimat mili
bewafai ki tohmat mili
furqat meñ tire ġham-o-alam ne
tanhā mujhe pā ke maar Daalā
furqat mein tere gham-o-alam ne
tanha mujhe pa ke mar Dala
surūr-o-kaif kā naġhma ġham-o-andoh kā nauha
tilism-e-zīst kī sargam kabhī kuchh hai kabhī kuchh hai
surur-o-kaif ka naghma gham-o-andoh ka nauha
tilism-e-zist ki sargam kabhi kuchh hai kabhi kuchh hai
pī bhī luuñ to āḳhir rañg-e-ruḳh ko kyā karūñ
soz-e-ġham ko kyā kisī unvāñ chhupā saktā huuñ maiñ
pi bhi lun to aaKHir rang-e-ruKH ko kya karun
soz-e-gham ko kya kisi unwan chhupa sakta hun main
sarf-e-ġham ham ne naujavānī kī
vaah kyā ḳhuub zindagānī kī
sarf-e-gham hum ne naujawani ki
wah kya KHub zindagani ki
dīvānoñ pe kis darja tirā lutf-o-karam hai
baḳhshā hai jo ġham tū ne vahī hāsil-e-ġham hai
dīwānoñ pe kis darja tirā lutf-o-karam hai
baḳhshā hai jo ġham tū ne wahī hāsil-e-ġham hai
nahīñ hotī vafā kī manzileñ āsāñ kabhī us par
mohabbat meñ jo hastī āshnā-e-ġham nahīñ hoti
nahin hoti wafa ki manzilen aasan kabhi us par
mohabbat mein jo hasti aashna-e-gham nahin hoti
na dikhāte mujhe jalva magar itnā karte
aap kā ġham mirī taskīn kā sāmāñ hotā
na dikhate mujhe jalwa magar itna karte
aap ka gham meri taskin ka saman hota
tamavvuj bahr-e-ġham kā dekhte ho
habāb-e-dil hai dariyā dil hamārā
tamawwuj bahr-e-gham ka dekhte ho
habab-e-dil hai dariya dil hamara
tirā ġham rahe salāmat yahī merī zindagī hai
tire ġham se mere jānāñ mire dil meñ raushnī hai
tera gham rahe salamat yahi meri zindagi hai
tere gham se mere jaanan mere dil mein raushni hai
ai ġham mujhe yaañ ahl-e-ta’ayyush ne hai gherā
is bhiiḌ meñ tu ai mire ġham-ḳhvār kahāñ hai
ai gham mujhe yan ahl-e-ta’ayyush ne hai ghera
is bhiD mein tu ai mere gham-KHwar kahan hai
kis ko sunā.ūñ hāl-e-ġham koī ġham-āshnā nahīñ
aisā milā hai dard-e-dil jis kī koī davā nahīñ
kis ko sunāūñ hāl-e-ġham koī ġham-āshnā nahīñ
aisā milā hai dard-e-dil jis kī koī dawā nahīñ
ġham ko bā-ġham baham na kiije
gar ġham hai to ġham kā ġham na kiije
gham ko ba-gham baham na kije
gar gham hai to gham ka gham na kije
tujhe bahr-e-ġham se guzar ne ko ai 'shauq'
hamārī ġhazal kā safīna nahīñ hai
tujhe bahr-e-gham se guzar ne ko ai 'shauq'
hamari ghazal ka safina nahin hai
kyā in aahoñ se shab-e-ġham muḳhtasar ho jaa.e gī
ye seh sehar hone kī bāteñ hainñ sehar ho jaa.e gī
kya in aahon se shab-e-gham muKHtasar ho jae gi
ye seh sehar hone ki baaten hainn sehar ho jae gi
tū hī jab qissa-e-ġham se mire ghabrātā hai
phir sune kaun mire ġham kī kahānī sanamā
tu hi jab qissa-e-gham se mere ghabraata hai
phir sune kaun mere gham ki kahani sanama
ġham-e-duniyā ġham-e-hastī ġham-e-ulfat ġham-e-dil
kitne 'unvān mile haiñ mire afsāne ko
gham-e-duniya gham-e-hasti gham-e-ulfat gham-e-dil
kitne 'unwan mile hain mere afsane ko
ġham se nāzuk zabt-e-ġham kī baat hai
ye bhī dariyā hai magar Thahrā huā
gham se nazuk zabt-e-gham ki baat hai
ye bhi dariya hai magar Thahra hua
ye hai muḳhtasar fasāna mirī zindagī kā nāseh
ġham-e-'āshiqī faqat thā ġham-e-do-jahāñ se pahle
ye hai muKHtasar fasana meri zindagi ka naseh
gham-e-'ashiqi faqat tha gham-e-do-jahan se pahle
ġham-e-jānāñ se dil mānūs jab se ho gayā mujh ko
hañsī achchhī nahīñ lagtī ḳhushī achchhī nahīñ lagtī
gham-e-jaanan se dil manus jab se ho gaya mujh ko
hansi achchhi nahin lagti KHushi achchhi nahin lagti
kyā ġham jo TuuuT jaa.en jigar jaañ kaleja dil
per terī chaah kī na tamannā shikast ho
kya gham jo TuuT jaen jigar jaan kaleja dil
per teri chah ki na tamanna shikast ho
dāġh-e-dil siine meñ aahoñ se numāyāñ karnā
ham se sīkhe shab-e-ġham koī charāġhāñ karnā
dagh-e-dil sine mein aahon se numayan karna
hum se sikhe shab-e-gham koi charaghan karna
