Girya-o-Zari Shayari

naala fariyād aah aur zaarī

aap se ho sakā so kar dekhā

nala fariyād aah aur zarī

aap se ho sakā so kar dekhā

minnat o ājizī o zaarī o aah

tere aage hazār kar dekhā

minnat o ājizī o zarī o aah

tere aage hazār kar dekhā

uḌ sakeñ barsāt meñ kis tarah jugnū be-shumār

josh-e-giriyā meñ sharar-afshāñ jo dil aksar na ho

uD saken barsat mein kis tarah jugnu be-shumar

josh-e-giriya mein sharar-afshan jo dil aksar na ho

shab mirā shor-e-girya sun ke kahā

maiñ to is ġhul meñ so nahīñ saktā

shab mera shor-e-girya sun ke kaha

main to is ghul meñ so nahin sakta

abhī ai josh-e-girya tū ne ye sochā nahīñ shāyad

mohabbat kā chaman minnat-kash-e-shabnam nahīñ hotā

abhi ai josh-e-girya tu ne ye socha nahin shayad

mohabbat ka chaman minnat-kash-e-shabnam nahin hota

dikhātā itnī to tāsīr giryā-e-yāqūb

dayār-e-misr meñ añdhe kuveñ ubar jaate

dikhata itni to tasir girya-e-yaqub

dayar-e-misr mein andhe kuwen ubar jate

Duubī jaatī hai naav hastī kī

mauj-e-giryā kā zor relā hai

Dubi jati hai naw hasti ki

mauj-e-girya ka zor rela hai