گریہ وزاری پر اشعار

نالہ فریاد آہ اور زاری

آپ سے ہو سکا سو کر دیکھا

منت و عاجزی و زاری و آہ

تیرے آگے ہزار کر دیکھا

اڑ سکیں برسات میں کس طرح جگنو بے شمار

جوش گریہ میں شرر افشاں جو دل اکثر نا ہو

شب مرا شور گریہ سن کے کہا

میں تو اس غل میں سو نہیں سکتا

ابھی اے جوش گریہ تو نے یہ سوچا نہیں شاید

محبت کا چمن منت کش شبنم نہیں ہوتا

دکھاتا اتنی تو تاثیر گریۂ یعقوب

دیارمصر میں اندھے کنویں ابل جاتے

ڈوبی جاتی ہے ناؤ ہستی کی

موج گریہ کا زور ریلا ہے