Izhar Shayari

ashkoñ ne bayāñ kar hī diyā rāz-e-tamannā

ham soch rahe the abhī iz.hār kī sūrat

ashkon ne bayan kar hi diya raaz-e-tamanna

hum soch rahe the abhi izhaar ki surat

majbūr-e-suḳhan kartā hai kyuuñ mujh ko zamāna

lahja mire jazbāt kā iz.hār na kar de

majbur-e-suKHan karta hai kyun mujh ko zamana

lahja mere jazbaat ka izhaar na kar de

shakl-e-ādam ke sivā aur na bhāyā naqsha

saare aalam meñ ye iz.hār hai allāh allāh

shakl-e-adam ke siwa aur na bhaya naqsha

sare aalam mein ye izhaar hai allah allah

kaun hai kis se karūñ dard-e-dil apnā iz.hār

chāhtā huuñ ki suno tum to kahāñ sunte ho

kaun hai kis se karun dard-e-dil apna izhaar

chahta hun ki suno tum to kahan sunte ho

aur bhī un ne 'bayāñ' zulm kuchh afzūd kiyā

kiyā us shoḳh se tiiñ ishq kā iz.hār abas

aur bhi un ne 'bayan' zulm kuchh afzud kiya

kiya us shoKH se tin ishq ka izhaar abas

ḳhush nahīñ ifshā-e-rāz-e-dil-rubā pesh-e-umūm

hātif-e-ġhaibī mujhe iz.hār kahtā hai ki bol

KHush nahin ifsha-e-raaz-e-dil-ruba pesh-e-umum

hatif-e-ghaibi mujhe izhaar kahta hai ki bol

asrār-e-mohabbat kā iz.hār hai nā-mumkin

TuuTā hai na TūTegā qufl-e-dar-e-ḳhāmoshī

asrar-e-mohabbat ka izhaar hai na-mumkin

TuTa hai na TuTega qufl-e-dar-e-KHamoshi

ham se kahte haiñ kareñge aaj iz.hār-e-karam

is se kuchh matlab nahīñ mahfil meñ tū ho yā na ho

hum se kahte hain karenge aaj izhaar-e-karam

is se kuchh matlab nahin mahfil mein tu ho ya na ho

voī maare anal-haq dam kare iz.hār sirr baham

koī bāñdhai kamar mohkam jo āpe-āp suuñ laḌnā

woi mare anal-haq dam kare izhaar sirr baham

koi bandhai kamar mohkam jo aape-ap sun laDna

baam par aane lage vo sāmnā hone lagā

ab to iz.hār-e-mohabbat barmalā hone lagā

baam par aane lage wo samna hone laga

ab to izhaar-e-mohabbat barmala hone laga

tab huā iz.hār e.ajāz-e-asā-e-mūsavaī

jab o chob-e-nā-tarāshīdā ke ta.iiñ sohan kiyā

tab hua izhaar eajaz-e-asa-e-musawai

jab o chob-e-na-tarashida ke tain sohan kiya

‘bedār’ kauuñ kis ko meñ iz.hār-e-mohabbat

bas dil hai mirā mahram-e-asrār-e-mohabbat

‘bedar’ kaun kis ko mein izhaar-e-mohabbat

bas dil hai mera mahram-e-asrar-e-mohabbat

kalīm baat baḌhāte na guftugū karte

lab-e-ḳhāmosh se iz.hār-e-ārzū karte

kalim baat baDhate na guftugu karte

lab-e-KHamosh se izhaar-e-arzu karte

kahīñ hai abd kī dhun aur kahīñ shor-e-anal-haq hai

kahīñ iḳhfā-e-mastī hai kahīñ iz.hār-e-mastī hai

kahin hai abd ki dhun aur kahin shor-e-anal-haq hai

kahin iKHfa-e-masti hai kahin izhaar-e-masti hai