Jannat Shayari

dāvar-e-hashr ye hai hashr meñ armāñ mujh ko

badle jannat ke mile kūcha-e-jānāñ mujh ko

dāwar-e-hashr ye hai hashr meñ armāñ mujh ko

badle jannat ke mile kūcha-e-jānāñ mujh ko

jannat hai us baġhair jahannam se bhī zubūñ

dozaḳh bahisht haigī agar yaar saath hai

jannat hai us baġhair jahannam se bhī zubūñ

dozaḳh bahisht haigī agar yar sath hai

sāz-o-sāmāñ haiñ merī ye be-sar-o-sāmāniyāñ

bāġh-e-jannat se bhī achchhā hai ye vīrāna mirā

sāz-o-sāmāñ haiñ merī ye be-sar-o-sāmāniyāñ

bāġh-e-jannat se bhī achchhā hai ye wīrāna mirā

gulshan-e-jannat kī kyā parvā hai ai rizvāñ unheñ

haiñ jo mushtāq-e-bahisht-e-jāvedān-e-kū-e-dost

gulshan-e-jannat kī kyā parwā hai ai rizwāñ unheñ

haiñ jo mushtāq-e-bahisht-e-jāwedān-e-kū-e-dost

jis kī hasrat hai mujhe miltā nahīñ vo māh-rū

ai falak hūrān-e-jannat le ke āḳhir kyā karūñ

jis kī hasrat hai mujhe miltā nahīñ wo māh-rū

ai falak hūrān-e-jannat le ke āḳhir kyā karūñ

milā kyā hazrat-e-ādam ko phal jannat se aane kā

na kyuuñ us ġham se siina chaak ho gandum ke daane kā

milā kyā hazrat-e-ādam ko phal jannat se aane kā

na kyuñ us ġham se sina chaak ho gandum ke dane kā

tum ho sharīk-e-ġham to mujhe koī ġham nahīñ

duniyā bhī mire vāste jannat se kam nahīñ

tum ho sharīk-e-ġham to mujhe koī ġham nahīñ

duniyā bhī mere wāste jannat se kam nahīñ

mubārak zāhidoñ ko phir bāġh-e-ḳhuld 'kausar'

na jannat mere qābil hai na maiñ jannat ke qābil huuñ

mubārak zāhidoñ ko phir bāġh-e-ḳhuld 'kausar'

na jannat mere qābil hai na maiñ jannat ke qābil huñ

jazba-e-ishq meñ jannat kī tamannā kaisī

ye bulandī to mirī gard-e-safar hotī hai

jazba-e-ishq meñ jannat kī tamannā kaisī

ye bulandī to mirī gard-e-safar hotī hai

dar-e-'vāris' pe hai 'bedam' kā bistar

tirī jannat tujhe rizvāñ mubārak

dar-e-'wāris' pe hai 'bedam' kā bistar

tirī jannat tujhe rizwāñ mubārak

haram hai jā-e-adab kaam degī jannat meñ

farishto taaq se botal zarā uThā denā

haram hai jā-e-adab kaam degī jannat meñ

farishto taq se botal zarā uThā denā

vo ai 'sīmāb' kyuuñ sar-gashta-e-tasnīm-o-jannat ho

mayassar jis ko sair-e-tāj aur jamunā kā sāhil hai

wo ai 'sīmāb' kyuñ sar-gashta-e-tasnīm-o-jannat ho

mayassar jis ko sair-e-tāj aur jamunā kā sāhil hai

vahāñ to hazrat-e-zāhid tumheñ achchhoñ se nafrat thī

yahāñ jannat meñ ab kis muñh se tum lene ko huur aa.e

wahan to hazrat-e-zahid tumhein achchhon se nafrat thi

yahan jannat mein ab kis munh se tum lene ko hur aae

vafādārī kī sūrat meñ jafā-kārī kā naqshā tū

ye nairañg-e-mohabbat hai ki aisā maiñ huuñ vaisā tū

wafadari ki surat mein jafa-kari ka naqsha tu

ye nairang-e-mohabbat hai ki aisa main hun waisa tu

butoñ ke liye sab jale aag meñ

jahannam pe jannat fidā ho ga.ī

butoñ ke liye sab jale aag meñ

jahannam pe jannat fidā ho gaī

us dudh ka ḳhuda kare kasa hamein nasib

jannat mein panj-tan ki jo bahti hai ju-e-shir

us dudh ka KHuda kare kasa hamein nasib

jannat mein panj-tan ki jo bahti hai ju-e-shir

ḳhudā rakkhe ajab kaif-e-bahār-e-kū-e-jānāñ hai

ki dil hai jalva-sāmāñ to nazar jannat-ba-dāmāñ hai

KHuda rakkhe ajab kaif-e-bahaar-e-ku-e-jaanan hai

ki dil hai jalwa-saman to nazar jannat-ba-daman hai

jaisī chāhe koshisheñ kar vā.iz-e-bātin-ḳharāb

tere rahne ko to jannat meñ makāñ miltā nahīñ

jaisi chahe koshishen kar waiz-e-baatin-KHarab

tere rahne ko to jannat mein makan milta nahin

hameñ nisbat hai jannat se ki ham bhī nasl-e-ādam haiñ

hamārā hissa 'rāqim' hai iram meñ hauz-e-kausar meñ

hamein nisbat hai jannat se ki hum bhi nasl-e-adam hain

hamara hissa 'raqim' hai iram mein hauz-e-kausar mein

aur haiñ jin ko hai ḳhabt-e-ishq-e-hūrān-e-jināñ

ham ko saudā-e-havā-e-gulshan-e-jannat nahīñ

aur haiñ jin ko hai ḳhabt-e-ishq-e-hūrān-e-jināñ

hum ko saudā-e-hawā-e-gulshan-e-jannat nahīñ

nasīr-e-ḳhasta-jāñ jannat se is kūche ko kab badle

ba az zill-e-humā hai yaar kī dīvār kā saayā

nasīr-e-ḳhasta-jāñ jannat se is kūche ko kab badle

ba az zill-e-humā hai yar kī dīwār kā sayā

sukūn-e-mustaqil dil be-tamannā shaiḳh kī sohbat

ye jannat hai to is jannat se dozaḳh kyā burā hogā

sukūn-e-mustaqil dil be-tamannā shaiḳh kī sohbat

ye jannat hai to is jannat se dozaḳh kyā burā hogā

ab ijāzat dafn kī ho jaa.e to jannat mile

yaar ke kūche meñ ham ne jā-e-madfan kī talāsh

ab ijāzat dafn kī ho jae to jannat mile

yar ke kūche meñ hum ne jā-e-madfan kī talāsh

bahār aane kī aarzū kyā bahār ḳhud hai nazar kā dhokā

abhī chaman jannat-nazar hai abhī chaman kā patā nahīñ hai

bahār aane kī aarzū kyā bahār ḳhud hai nazar kā dhokā

abhī chaman jannat-nazar hai abhī chaman kā patā nahīñ hai

tirā jaam jām-e-kausar tirā mai-kada hai jannat

mire haal pe karam kar mirī tishnagī bujhā de

tirā jam jām-e-kausar tirā mai-kada hai jannat

mere haal pe karam kar mirī tishnagī bujhā de

ye but jab jahannum meñ Daale ga.e

to phir terī jannat meñ kyā rah gayā

ye but jab jahannum meñ Dale gae

to phir terī jannat meñ kyā rah gayā

tire kūche meñ kyuuñ baiThe faqat is vāste baiThe

ki jab uTTheñge is duniyā se jannat le ke uTTheñge

tere kūche meñ kyuñ baiThe faqat is wāste baiThe

ki jab uTTheñge is duniyā se jannat le ke uTTheñge

ham aise ġharq-e-dariyā-e-gunah jannat meñ jā nikle

tavān-e-latma-e-mauj-e-shafā.at ho to aisī ho

hum aise ġharq-e-dariyā-e-gunah jannat meñ jā nikle

tawān-e-latma-e-mauj-e-shafāat ho to aisī ho

talāsh-e-but meñ mujh ko dekh kar jannat meñ sab bole

ye kāfir kyuuñ chalā aayā musalmānoñ kī bastī meñ

talāsh-e-but meñ mujh ko dekh kar jannat meñ sab bole

ye kāfir kyuñ chalā aayā musalmānoñ kī bastī meñ

chaman-e-sīna-e-pur-dāġh meñ terā jalva

yaar qābil tire gul-gasht ke jannat bhī nahīñ

chaman-e-sīna-e-pur-dāġh meñ terā jalwa

yar qābil tere gul-gasht ke jannat bhī nahīñ

jis din se mere dil ko ābād kiyā tum ne

anvār kī jannat hai kāshāna jise kahiye

jis din se mere dil ko ābād kiyā tum ne

anwār kī jannat hai kāshāna jise kahiye

uTh ke añdherī rātoñ meñ ham tujh ko pukārā karte haiñ

har chiiz se nafrat ham ko huī ham jannat-e-fardā bhuul ga.e

uTh ke añdherī rātoñ meñ hum tujh ko pukārā karte haiñ

har chiz se nafrat hum ko huī hum jannat-e-fardā bhul gae

kyuuñ na dozaḳh bhī ho jannat mujhe jab ḳhud vo kahe

is gunahgār ko le jaao ye maġhfūr nahīñ

kyuñ na dozaḳh bhī ho jannat mujhe jab ḳhud wo kahe

is gunahgār ko le jao ye maġhfūr nahīñ

bāġh-o-bahisht-o-hūr-o-jannat abrāroñ ko kījiye ināyat

hameñ nahīñ kuchh us kī zarūrat aap ke ham dīvāne haiñ

bāġh-o-bahisht-o-hūr-o-jannat abrāroñ ko kījiye ināyat

hameñ nahīñ kuchh us kī zarūrat aap ke hum dīwāne haiñ

hūr-e-jannat un se kuchh baḌh kar sahī

ek dil kyā kyā tamannā kījiye

hūr-e-jannat un se kuchh baḌh kar sahī

ek dil kyā kyā tamannā kījiye

kūcha-e-qātil meñ mujhko ghair kar laa.ī hai ye

jiite jī jannat meñ pahuñchā de qazā aisī to ho

kūcha-e-qātil meñ mujhko ghair kar laī hai ye

jite jī jannat meñ pahuñchā de qazā aisī to ho

'hāmid' rahe ābād sadā shahr-e-nabī kā

jannat se bhī marġhūb madīne kī fazā hai

'hāmid' rahe ābād sadā shahr-e-nabī kā

jannat se bhī marġhūb madīne kī fazā hai

ga.e mai piite hue ālam-e-asrār se ham

mast jannat meñ ga.e ḳhāna-e-ḳhumār se ham

gae mai pite hue ālam-e-asrār se hum

mast jannat meñ gae ḳhāna-e-ḳhumār se hum

हैरत है कि मय-ख़ाने में जाता नहीं ज़ाहिद

जन्नत में मुसलमान से जाया नहीं जाता