b-tufail-e-dāman-e-murtazā maiñ batāūñ kiyā milā
ki ali mili to nabī mile jo nabī mile to ḳhudā milā
b-tufail-e-daman-e-murtaza main bataun kiya mila
ki ali mili to nabi mile jo nabi mile to KHuda mila
ishq kī ibtidā bhī tum husn kī intihā bhī tum
rahne do raaz khul gayā bañde bhī tum ḳhudā bhī tum
ishq ki ibtida bhi tum husn ki intiha bhi tum
rahne do raaz khul gaya bande bhi tum KHuda bhi tum
aao ik sajda kareñ ālam-e-madhoshī meñ
log kahte haiñ ki 'sāġhar' ko ḳhudā yaad nahīñ
aao ek sajda karen aalam-e-madhoshi mein
log kahte hain ki 'saghar' ko KHuda yaad nahin
mirī turbat pe ḳhud saaqī ne aa kar ye duā māñgī
ḳhudā baḳhshe bahut achchhī guzārī mai-parastī meñ
meri turbat pe KHud saqi ne aa kar ye dua mangi
KHuda baKHshe bahut achchhi guzari mai-parasti mein
ḳhudā se tirā chāhnā chāhtā huuñ
merā chāhnā dekh kyā chāhtā huuñ
KHuda se tera chahna chahta hun
mera chahna dekh kya chahta hun
'ayāz' ik besh-qīmat sā tujhe nukta batātā huuñ
tum apne aapko samjho ḳhudā kiyā hai ḳhudā jaane
'ayaz' ek besh-qimat sa tujhe nukta batata hun
tum apne aapko samjho KHuda kiya hai KHuda jaane
kaam kuchh tere bhī hote terī marzī ke ḳhilāf
haañ magar mere ḳhudā terā ḳhudā koī nahīñ
kaam kuchh tere bhi hote teri marzi ke KHilaf
han magar mere KHuda tera KHuda koi nahin
tum mire rone pe hañste ho ḳhudā hañstā rakhe
ye bhī kiyā kam hai ki ro kar to hañsā kartā huuñ mañ
tum mere rone pe hanste ho KHuda hansta rakhe
ye bhi kiya kam hai ki ro kar to hansa karta hun man
mujh ko ḳhudā se āshnā koī bhalā karegā kyā
maiñ to sanam-parast huuñ merā koī ḳhudā nahīñ
mujh ko ḳhudā se āshnā koī bhalā karegā kyā
maiñ to sanam-parast huñ merā koī ḳhudā nahīñ
mohabbat but-kade meñ chal ke us kā faisla kar de
ḳhudā merā ḳhudā hai yā ye mūrat hai ḳhudā merī
mohabbat but-kade mein chal ke us ka faisla kar de
KHuda mera KHuda hai ya ye murat hai KHuda meri
tum ḳhafā ho to achchhā ḳhafā ho
ai buto kyā kisī ke ḳhudā ho
tum KHafa ho to achchha KHafa ho
ai buto kya kisi ke KHuda ho
tire haat merī fanā baqā tire haath merī sazā jazā
mujhe naaz hai ki tire sivā koī aur merā ḳhudā nahīñ
tere hat meri fana baqa tere hath meri saza jaza
mujhe naz hai ki tere siwa koi aur mera KHuda nahin
lekin us ko asar ḳhudā jaane
na huā hogā yā huā hogā
lekin us ko asar ḳhudā jaane
na huā hogā yā huā hogā
tum salāmat raho qayāmat tak
aur qayāmat ḳhudā kare ki na ho
tum salamat raho qayamat tak
aur qayamat KHuda kare ki na ho
ḳhudā-yā ḳhair karnā nabz bīmār-e-mohabbat kī
ka.ī din se bahut barham mizāj-e-nā-tavānī hai
KHuda-ya KHair karna nabz bimar-e-mohabbat ki
kai din se bahut barham mizaj-e-na-tawani hai
to-ko batā.ūñ sun re sakhī-rī murshid piyā kī sūrat kis kī
yahī hai sūrat sher-e-ḳhudā kī bāñkī chitvan kaarī akhiyāñ
to-ko bataun sun re sakhi-ri murshid piya ki surat kis ki
yahi hai surat sher-e-KHuda ki banki chitwan kari akhiyan
ḳhayāl-e-yār salāmat tujhe ḳhudā rakkhe
tire baġhair kabhī ghar meñ raushnī na huī
KHayal-e-yar salamat tujhe KHuda rakkhe
tere baghair kabhi ghar mein raushni na hui
mirā ek sajda to ho chain kā
ḳhudā hī jo Thahrā ḳhud aa jaa.e nā
mera ek sajda to ho chain ka
KHuda hi jo Thahra KHud aa jae na
un butoñ ke liye ḳhudā na kare
dīn-o-dil yuuñ koī bhī khotā hai
un buton ke liye KHuda na kare
din-o-dil yun koi bhi khota hai
kisī but kī adā ne maar Daalā
bahāne se ḳhudā ne maar Daalā
kisi but ki ada ne mar Dala
bahane se KHuda ne mar Dala
aap ma.ashūq kyā ho ga.e
āshiqoñ ke ḳhudā ho ga.e
aap mashuq kya ho gae
aashiqon ke KHuda ho gae
koī hai momin koī hai tarsā ḳhudā kī bāteñ ḳhudā hī jaane
ajab tarah kā hai ye tamāsha ḳhudā kī bāteñ ḳhudā hī jaane
koi hai momin koi hai tarsa KHuda ki baaten KHuda hi jaane
ajab tarah ka hai ye tamasha KHuda ki baaten KHuda hi jaane
ḳhudā jaane kyā hogā anjām is kā
maiñ be-sabr itnā huuñ vo tund-ḳhū hai
ḳhudā jaane kyā hogā anjām is kā
maiñ be-sabr itnā huñ wo tund-ḳhū hai
doī jā ke rañg-e-safā rah gayā
ḳhudī miTte miTte ḳhudā rah gayā
doi ja ke rang-e-safa rah gaya
KHudi miTte miTte KHuda rah gaya
ḳhudā ka shukr hai piyāse ko dariyā yaad kartā hai
musāfir ne farāham kar liyā hai kuuch kā sāmāñ
KHuda ka shukr hai piyase ko dariya yaad karta hai
musafir ne faraham kar liya hai kuch ka saman
dil diyā jaan dī ḳhudā tū ne
terā ehsān ek ho to kahūñ
dil diya jaan di KHuda tu ne
tera ehsan ek ho to kahun
ḳhudā-hāfiz ab dil kī ḳhud-dāriyoñ kā vo aate nahīñ unko laanā paḌe gā
mohabbat se majbūr huuñ kyā batā.un unheñ kaise kaise manānā paḌe gā
KHuda-hafiz ab dil ki KHud-dariyon ka wo aate nahin unko lana paDe ga
mohabbat se majbur hun kya bataun unhen kaise kaise manana paDe ga
chalo aao 'kāvish' ki kāñdhā lagā.eñ
alī kī ḳhudā ne uThā.ī hai Dolī
chalo aao 'kawish' ki kandha lagaen
ali ki KHuda ne uThai hai Doli
farishte kyuuñ satāte haiñ lahad meñ
ḳhudā mālik hai jo chāhe sazā de
farishte kyun satate hain lahad mein
KHuda malik hai jo chahe saza de
aa phañsūñ maiñ butoñ ke daam meñ yuuñ
'dard' ye bhī ḳhudā kī qudrat hai
aa phañsūñ maiñ butoñ ke dam meñ yuñ
'dard' ye bhī ḳhudā kī qudrat hai
alī to-ko jānūñ ḳhudā to-ko jānūñ
maiñ rakhtī huuñ jag se tabī.at nyāri
ali to-ko jaanun KHuda to-ko jaanun
main rakhti hun jag se tabiat nyari
mardān-e-ḳhudā jo haiñ vo haiñ aarif billāh
tafrīq nahīñ meñ hai ke kuchh pīr-o-javāñ meñ
mardan-e-KHuda jo hain wo hain aarif billah
tafriq nahin mein hai ke kuchh pir-o-jawan mein
ḳhudā jaane mirī miTTī Thikāne kab lage 'muztar'
bahut din se janāza kūcha-e-qātil meñ rakkhā hai
KHuda jaane meri miTTi Thikane kab lage 'muztar'
bahut din se janaza kucha-e-qatil mein rakkha hai
qanā.at dūsre ke āsare kā naam hai 'muztar'
ḳhudā hai jo koī hadd-e-tavakkul se nikal aayā
qanaat dusre ke aasare ka nam hai 'muztar'
KHuda hai jo koi hadd-e-tawakkul se nikal aaya
dekhā jo us sanam ko to mahsūs ye huā
jalva ḳhudā kā sūrat-e-insān ho gayā
dekhā jo us sanam ko to mahsūs ye huā
jalwa ḳhudā kā sūrat-e-insān ho gayā
dīn-o-īmāñ kyā aur kyā hai dharm khol diyā ab to nām-e-ḳhudā ne bharam
chashm-e-murshid ne kī aisī jādūgarī kuchh bhī mujh ko na bhaa.e to maiñ kyā karūñ
din-o-iman kya aur kya hai dharm khol diya ab to nam-e-KHuda ne bharam
chashm-e-murshid ne ki aisi jadugari kuchh bhi mujh ko na bhae to main kya karun
ḳhudā bhī jab na ho ma.alūm tab jaano miTī hastī
fanā kā kyā mazā jab tak ḳhudā ma.alūm hotā hai
KHuda bhi jab na ho malum tab jaano miTi hasti
fana ka kya maza jab tak KHuda malum hota hai
jis pe terī nazar nahīñ hotī
us kī jānib ḳhudā nahīñ hotā
jis pe teri nazar nahin hoti
us ki jaanib KHuda nahin hota
hameñ ḳhudā ke sivā kuchh nazar nahīñ aatā
nikal ga.e haiñ bahut duur justujū karte
hamein KHuda ke siwa kuchh nazar nahin aata
nikal gae hain bahut dur justuju karte
koī duniyā meñ nahīñ aayā hamesha ke liye
bas ḳhudā kā naam hī nām-e-ḳhudā rah jā.egā
koi duniya mein nahin aaya hamesha ke liye
bas KHuda ka nam hi nam-e-KHuda rah jaega
yā-ḳhudā 'akbar' kī kashtī ko nikāl
tū hī is beḌe kā khevan-hār hai
ya-KHuda 'akbar' ki kashti ko nikal
tu hi is beDe ka khewan-haar hai
DhūñDhe asrār-e-ḳhudā dil ne jo añdhā ban kar
rah gayā aap hī pahlū meñ muamma ban kar
DhunDhe asrar-e-KHuda dil ne jo andha ban kar
rah gaya aap hi pahlu mein muamma ban kar
be-ḳhudī gar ho ḳhud to aa ke mile
ai ḳhudā be-ḳhudī ajab shai hai
be-ḳhudī gar ho ḳhud to aa ke mile
ai ḳhudā be-ḳhudī ajab shai hai
but-e-kāfir kī be-muravvatiyāñ
ye hameñ sab ḳhudā dikhātā hai
but-e-kafir ki be-murawwatiyan
ye hamein sab KHuda dikhata hai
ḳhayāl-e-ḳhudā meñ ḳhudī ko bhulā kar
nishān-e-ḳhudā ham jamā.e hue haiñ
KHayal-e-KHuda mein KHudi ko bhula kar
nishan-e-KHuda hum jamae hue hain
ḳhuddārī-o-mahrūmī mahrūmī-o-ḳhuddārī
ab dil ko ḳhudā rakhe ab dil kā zamānā hai
KHuddari-o-mahrumi mahrumi-o-KHuddari
ab dil ko KHuda rakhe ab dil ka zamana hai
tū nigah kī na kī ḳhudā jaane
ham to Dar se kabho nigāh na kī
tu nigah ki na ki KHuda jaane
hum to Dar se kabho nigah na ki
hai lutf zindagī kā ba.ad-az-fanā usī meñ
nām-e-ḳhudā jo apne sab tan-badan se nikle
hai lutf zindagi ka baad-az-fana usi mein
nam-e-KHuda jo apne sab tan-badan se nikle
Tuk samajh kar to lagāo laat haañ bahr-e-ḳhudā
ye kunisht dil hai dekho ai butāñ bahr-e-ḳhudā
Tuk samajh kar to lagao lat han bahr-e-KHuda
ye kunisht dil hai dekho ai butan bahr-e-KHuda
