خاتم سلیمان

مشہور ہے کہ حضرت سلیمان کے پاس ایک انگوٹھی تھی،جس کی بدولت پوری دنیا پر ان کی حکومت تھی- جن و انس، دیو و پری سبھی ان کے قابو میں تھے۔ ہوا ان کے تخت کو ان کی مرضی کے مطابق اڑا کر لے جاتی تھی- ایک بار صخرہ نامی ایک جن نے اس انگوٹھی کو چرا لیا جس کی وجہ سے حضرت سلیمان کی سلطنت جاتی رہی۔ وہ انگوٹھی اس جن کے پاس بھی نہ رہ سکی اورسمندرمیں گر گئی جہاں اسے ایک مچھلی نے نگل لیا۔حضرت سلیمان کی حکومت جب ختم ہوئی تو وہ ایک ماہی گیر کے پاس نوکربن گئے۔ اس نے ان کی محنت سے خوش ہو کر اپنی بیٹی کی شادی ان سے کردی- ایک دن ماہی گیر ایک مچھلی پکڑ کر لایا۔ جب اس کی بیوی نے اسے کاٹا تو پیٹ سے وہی انگوٹھی برآمد ہوئی- حضرت سلیمان نےاسے پہن لیا اور دوبارہ وہ کل جہان کے بادشاہ بن گۓ-

خاتم سلیمانی، انگشتری سلیمانی، نگینۂ سلیمانی وغیرہ انہی کی یاد دلاتے ہیں۔