حضرت شیخ عبدالمؤمن کشمیری

وطن مالوف کشمیر تھا، وہاں سے بنارس تشریف لائے، مخدوم طیب کے خاص متوسلین اور مصاحبین میں سے تھے، صاحبِ کرامات اور جامع مقامات تھے، پہلے ایک عرصہ تک ملازمت شاہی میں رہے، اس کے بعد مخدوم طیب کی خدمت میں رہے اور ریاضت و مجاہدہ کی منزلیں طے کیں، ساری زندگی اتباع سلف میں منہمک رہے اور مخدوم کی خدمت کرتے رہے، تاریخ وفات ۲۸ یا ۲۹ ذی قعدہ بوقت عصر ۱۰۸۰ھ ہے، منڈواڈیہہ میں مخدوم طیب کے قبہ مزار کے قریب مدفون ہیں۔