ابوالبرکات بنارسی

بن مولانا فضل امام حنفی مجددی بہاری ثم البنارسی، علمائے صالحین میں سے تھے، ہندوستان میں علوم کی تحصیل کرنے کےبعد حرمین شریفین کی زیارت کے لیے تشریف لے گیے، دو مرتبہ حج فرمایا اور مصر، قاہرہ، شام اور قدس شریف تشریف لے گیے، ۱۲۷۹ھ میں ہندوستان تشریف لائے پھر دو بارہ مدینہ طیبہ ہجرت فرما گئے، آپ کا سلسلۂ بیعت شیخ عبدالرشید بن شاہ احمد سعید مجددی دہلوی سے ہے، آپ نے مدینہ طیبہ ہی میں چند کتابیں تصنیف فرمائیں، جن میں برکات الانس لزائری القدس اور کتاب الرحلۃ ہے، فارسی میں برکات اور اربن الحرمین مناسک حج میں تصنیف فرمائی، صفر کی آخری رات میں ۱۲۸۹ھ میں مدینہ منورہ میں انتقال فرمایا۔