حضرت میر عارفین

چھٹی صدی ہجری کے باکمال اور صاحبِ نسبت بزرگوں میں سے ہیں، افسوس ہے کہ آپ کا مزار پُرانوار غیر معروف ہے، خاکسار مرتب کے والد ماجد مفتی محمد ابراہیم صاحب نے عرصہ تک آپ کے مزار پر حاضری دی ہے اور اپنے پیر و مرشد مولانا شاہ ضیاؤالحسن بھوپالی قدس سرہ کے ایما سے ۱۰ رجب کو عرس کا سلسلہ جاری فرمایا، جو اب تک جاری ہے اور بہت سے شائقین حاضر ہوتی ہیں، آپ کا مقبرہ محلہ پٹھانی ٹولہ میں میر گھورے کے امام باڑہ سے قریب ہی بلندی پر واقع ہے اور آپ کے نام سے موسوم ہے، مقبرہ شاندار قبہ کے اندر ہے اور کافی شکستہ ہوگیا ہے، ۱۳۳۹ھ میں حضرت والد بزرگوار نے اس مقبرہ کے متصل ہی ایک مسجد تعمیر کرائی تھی جو اب منہدم ہو چکی ہے۔