تذکرہ حضرت شیخ سعداللہ اودھی

حضرت شیخ سعداللہ اودھی کے حالات معلوم نہ ہو سکے، ممکن ہے مرأۃ الاسرار یا بحر ذخار میں ان کا تذکرہ اور تفصیلی حالات ہوں مگر اس وقت یہ کتابیں پیش نظر نہیں ہیں۔

مولانا عبدالحیٔ حسنی نے شیخ محمد بن قاسم اودھی (المعروف بہ شیخ درویش) کے تذکرہ میں ضمناً گلزارِ ابرار کے حوالہ سے لکھا ہے کہ

’’یہ شیخ فتح اللہ اودھی کے خلیفہ تھے‘‘

’’تذکرۃ العابدین‘‘ کے مصنف لکھتے ہیں کہ

’’آپ خلیفہ شیخ فتح اللہ اودھی کے ہیں، آپ بہت بڑے مشائخ طریقت تھے مگر اپنا حال ہمیشہ پوشیدہ رکھا، کسی پر یہ ظاہر نہ ہوا کہ آپ کا کیا حال اور طریق ہے، وفات آپ کی ۱۷؍ ذیقعدہ ۸۵۰ھ میں ہوئی اور مزار اودھ میں ہے‘‘