حضرت مخدوم شیخ صالح

حضرت مخدوم شیخ صالح صاحبِ نسبت بزرگ تھے۔

خاندانی حالات : آپ حضرت مخدوم جہانیاں جہاں گشت کے خاندان سے ہیں۔

والد ماجد : حضرت برہان الدین قطبِ عالم آپ کے والد ماجد ہیں۔

نامِ نامی : آپ کا نام شیخ صالح ہے۔

تعلیم و تربیت : والد ماجد کی نگرانی میں ابتدائی تعلیم ہوئی اور والد ماجد سے آپ نے تربیت پائی۔

بیعت و خلافت : آپ اپنے والد ماجد کے مرید اور ان ہی سے خرقۂ خلافت پایا۔

بھائی : آپ کے کئی سوتیلے بھائی تھے، حضرت شاہ حامد آپ کے سگے بھائی ہیں۔

مزارِ مبارک : آپ کا مزارِ مبارک بٹوہ میں ہے۔

سیرت : آپ صاحبِ کشف و کرامت تھے، اسرارِ الٰہی کے ہمراز تھے، علومِ ظاہری و باطنی سے آراستہ تھے۔