حضرت نتھن شاہ

حضرت نتھن شاہ صاحبِ نسبت بزرگ تھے۔

آپ ایک مدت تک بھروچ میں رہے، لوگوں سے میل جول کم رکھتے تھے، بھروچ سے ترکِ سکونت کرکے سورت تشریف لائے اور سورت میں سکونت اختیار کی۔

مزار : آپ کا مزار سورت میں ہے۔

سیرت : آپ مجذوب تھے جو کچھ زبان سے نکالتے ویسا ہی ہوتا، ہر وقت ایک وجدانی کیفیت طاری رہتی تھی۔

کرامات : آپ صاحبِ کشف و کرامات تھے، حیاتِ ظاہری میں آپ کی یہ کرامت دیکھ کر لوگ دم بخود رہ جاتے تھے کہ آپ اپنے پیٹ سے اپنی آنتیں نکالتے اور ان کو دھوتے اور پھر ان کو پیٹ میں رکھ لیتے تھے، آپ کے وصال کے بعد ایک مرتبہ وہاں ایسی آگ لگی کہ بجھائے نہ بجھتی تھی، آگ بڑھتے بڑھتے آپ کی درگاہ کے پاس آ پہنچی اور وہاں آکر خود بخود بجھ گئی۔