حضرت حاجی ناصر

حضرت حاجی ناصر کی خانقاہ کھنبائت میں بہت مشہور تھی، ابن بطوطہ نے اس کا ذکر کیا ہے، حضرت حاجی ناصر عراق کے رہنے والے تھے، عراق کے شہر دیاریکر سے ہندوستان آئے اور کھنبائت میں سکونت اختیار کی، آپ نے کھنبائت میں حلقۂ درس و تدریس قائم کیا اور ساتھ ہی ساتھ خانقاہ بنا کر اپنے مریدین و معتقدین کے ساتھ خانقاہ میں ذکر و فکر میں مشغول رہتے تھے، مراقبہ پر زور دیتے تھے، رشد و ہدایت، تعلیم و تکلقین سے بھی بے خبر نہیں رہتے تھے، آپ مبلغ بھی تھے اور آپ کی تبلیغ کے اثرات سے بہت لوگ متاثر و مستفید ہوئے۔