حضرت سید تاج الدین سوہی

حضرت سید تاج الدین سوہی باکمال درویش تھے۔

بیعت و خلافت : آپ نے مخدوم خدّھا سے بیعت کی اور ان سے خرقۂ خلافت پایا، مخدوم خدھا کا نام مولانا یوسف ہے، وہ احمد سوہی کے صاحبزادے تھے، وہ مولانا یوسف شیخ سوہی کے خلیفہ تھے، حضرت سوہی نے اپنے والدِماجد مولانا محسن الدین پیر مکہ سے خرقۂ خلافت پایا تھا، آپ کو حضرت سید برہان الدین قطبِ عالم نے بھی خرقۂ خلافت عطا فرمایا تھا۔

ذریعۂ معاش : حضرت سید حسام الدین ملتانی کے مزارِمبارک کے اندر جو مدرسہ تھا، اس میں آپ درس دیتے تھے۔

سیرت : آپ ایک کامیاب مدرس تھے، قناعت کی دولت سے مالامال تھے، توکل آپ کا شعار تھا، علمِ ظاہری میں یکتا اور علمِ باطنی میں بے نظیر تھے، اپنے احوال کو کسی پر ظاہر نہ کرتے تھے، عبادت، ریاضت اور مجاہدات سے روحانی اور حقیقی خوشی حاصل کرتے تھے، سیدھی سادی زندگی تھی، سکون و اطمینان سے یادِالٰہی میں وقت گزارتے تھے۔

مزارِمبارک : آپ کے مزارِ مبارک کا صحیح پتہ نہیں چلا، اتنا ضرور ہے کہ مزار پٹن میں ہے۔