حضرت سیف الدین احمد

حضرت سیف الدین احمد قدوۂ اؤلیا تھے۔

خاندانی حالات : آپ کے آبا و اجداد سید تھے اور امام الاؤلیا حضرت علی کرم اللہ وجہہٗ کی اولاد سے تھے، آپ کے دادا کا نام سید کبیرالدین احمد ہے۔

والدِ ماجد : آپ کے والدِ ماجد کا نامِ نامی اسمِ گرامی سید محمد ہے۔

ولادت : آپ پٹن میں 11 ذی الحجہ 975 ہجری مطابق جون 1568 عیسوی کو جمعہ کے دن پیدا ہوئے، تاریخِ ولادت ”وارث علی“ سے برآمد ہوتی ہے۔

نام : آپ کا نام سیف الدین احمد ہے۔

بھائی : آپ کے بھائی کا نام سید عبداللہ ہے۔

بہن : آپ کی ایک بہن تھیں۔

تعلیم و تربیت : آپ کی تعلیم و تربیت والد ماجد کی نگرانی میں ہوئی، آپ نے اپنے والدِ ماجد سے علومِ ظاہری حاصل کیے۔

بیعت و خلافت : اپنے والدِ ماجد سے بیعت تھے اور ان ہی سے خرقۂ خلافت اور صاحبِ اجازت ہوئے۔

اولاد : آپ کے ایک لڑکی اور دو لڑکے تھے، لڑکوں کے نام یہ ہیں سید محمد اور سید شریف۔

وفات : آپ نے 11 رمضان المبارک 1026 ہجری مطابق 14 ستمبر 1617 عیسوی کو وفات پائی، اس وقت آپ کی عمر 51 سال کی تھی، مزار پٹن میں ہے۔

سیرت : علمِ حدیث پر آپ کو کافی عبور تھا، محدث اور مبلغ تھے، رشد و ہدایت فرماتے اور تعلیم و تلقین سے لوگوں کے اخلاق سدھارتے تھے، بدعت اور کفر و شرک کے خلاف مصروفِ عمل رہتے تھے، عبادت و ریاضت کی لذت سے آشنا تھے، مخلوق کے کام آتے تھے اور مخلوق کی خدمت کو خالق کی خوشنودی کا باعث سمجھتے تھے۔