حضرت شاہ حسن

حضرت شاہ حسن غواصِ بحرِ حقیقت ہیں۔

خاندانی حالات : آپ سلطان حاجی ہد کے خاندان سے ہیں۔

والدِ ماجد : آپ کے والدِ ماجد حضرت قاضی احمد جود باکمال درویش تھے۔

نام : آپ کا نام حسن ہے۔

لقب : آپ کا لقب فقیہ ہے۔

خطاب : آپ کا خطاب غوث الوریٰ ہے۔

تعلیم و تربیت : اپنے والد ماجد کے سایۂ عاطفت میں پرورش پائی اور اپنے والد سے ہی اکتسابِ علم کیا اور بہت جلد علومِ ظاہری سے فارغ ہوئے۔

بیعت و خلافت : آپ نے حضرت شیخ رکن الدین کانِ شکر کے دست مبارک پر بیعت کی اور ان سے خرقۂ خلافت پایا۔

دیگر بزرگوں سے فیض : آپ نے اپنے والد ماجد سے بھی فیض پایا اور حضرت برہان الدین قطبِ عالمِ اور حضرت شیخ احمد گنج بخش کٹھو کے روحانی فیوض و برکات سے مستفید و مستفیض ہوئے۔

وفات : آپ نے 28 رجب 849 ہجری مطابق 1445 عیسوی کو دارِبقا کی طرف کوچ فرمایا، مزار پٹن میں ہے۔

سیرت : آپ رشد و ہدات، تعلیم و تلقین، عبادت و ریاضت، ذکر و فکر اور دیگر اشغال و ورد و وظائف میں اپنا وقت گزارتے تھے۔