حضرت شاہ شریف

حضرت شاہ شریف شمعِ قصرِ ہدایت ہیں۔

خاندانی حالات : امام الاؤلیا حضرت علی کرم اللہ وجہہٗ کی اولاد سے ہیں، آپ کا نسبت نامہ پدری حضرتِ سید احمد جہاں شاہ سے پانچویں پشت پر ملتا ہے۔

والد ماجد : آپ کے والدِ ماجد کا نام سید سیف الدین ہے۔

ولادت : آپ 27 رمضان المبارک 1002 مطابق 17 مئی 1654 عیسوی کو پیدا ہوئے، ”خلفِ سالار پیدا ہوئے“ سے تاریخِ ولادت نکلتی ہے۔

نام : آپ کا نام شاہ شریف ہے۔

بھائی : آپ کے ایک بھائی تھے جن کا نام سید محمد ہے، ایک ہمشیرہ بھی تھیں۔

تعلیم و تربیت : آپ نے اپنے والد سے تعلیم حاصل کی، آپ کے والد اور والدہ نے آپ کی تربیت پر خاص توجہ دی، علومِ ظاہری سے جلد فارغ ہوئے۔

بیعت و خلافت : آپ اپنے والدِ ماجد کے مرید اور خلیفہ ہیں، ان سے خرقۂ خلافت پاکر صاحبِ اجازت ہوئے۔

اولاد : آپ کے دو لڑکے تھے، ایک کانام سید احمد متقی تھا جو لاولد فوت ہوئے اور دوسرے صاحبزادے کا نام سید عظمت اللہ تھا، آپ کے تین لڑکیاں تھیں۔

شہادت : آپ نے 5 ربیع الاول 1053 ہجری مطابق 14 مئی 1705 عیسوی کو جامِ شہادت نوش کیا، ”فخرالعلما شہید ہوئے“ سے آپ کی تاریخِ شہادت برآمد ہوتی ہے۔

سیرت : زہد و تقودیٰ میں بے نظیر تھے، اتباعِ سنت کے سخت پابند تھے، علمِ حدیث کے ماہر تھے، رشد و ہدایت اور عبادت و ریاضت میں وقت گزارتے تھے۔