موجدِ قوالی

مشاہیر اہل قلم اس بات پر متفق ہیں کہ قوالی کی طرز امیر خسروؔ کی ایجاد ہے عہدِ خسروؔ سے پہلے جہاں کہیں قوالی کا ذکر آیا ہے وہ قوالی نہیں بلکہ ’’سماع‘‘ تھا لیکن قوالی کی ایجاد کے بعد سماع کا ترجمہ لفظِ قوالی سے کرایا گیا، جس کے باعث قوالی کے سلسلہ میں یہ غلط فہمی پیدا ہوگی کہ غالباً یہ فن خسروؔ سے پہلے کے مروجہ سماع اور خسروؔ کی ایجاد کردہ قوالی میں فن اور طرزِ عبادت کا فرق ہے، حالاں کہ یہ طرزِ عبادت بھی بعضوں کے لیے قابل قبول تھی اور بعضوں کے لیے ناقابل قبول اس کے علاوہ دوسری بات یہ کہ خسروؔ کی قوالی میں ساز و راگ کا باضا بطہ استعمال اور فنِ موسیقی کے تمام قواعد و لوازمات کی پابندی ہے جب کہ سابقہ سماع فنی با ضابطگی سے محروم ہے۔