قوالی کے موجودہ ساز

قوالی کے عہدِ ایجاد تیرہویں صدی عیسوی سے آج بیسویں صدی تک جوں جوں قوالی عوامی تفریح کی حیثیت اختیار کرتی گئی اس میں نِت نئے ہندوستانی و بیرونی سازوں کا اضافہ ہوتا گیا، چنانچہ آج قوالی کے آرکسٹرا میں دستی تالی کے علاوہ ہارمونیم، طبلہ، ڈھول ڈھولکی، یک تارا، دف، خنجری، چمٹا، منجیرے، سارنگی، گھنگرو، بانسری، ہڑکا، کانگو بانگو، کپاس، ڈمبل، کانچ پلیٹ، بینجو، الکٹرک گیٹار، وائلن، کلار نیٹ اور منڈولین جیسے ساز عام طور پر شامل ہیں۔