قوالی میں ستار کا استعمال

مشہور ہندوستانی ساز ستار امیر خسروؔ کی ایجاد ہے، ظاہر ہے یہ ساز امیر خسروؔ سے پہلے والے سماع میں شامل نہ رہا ہوگا لیکن خسروؔ کی قوالی میں یہ ساز شامل رہا، معروف ستار نواز استاد عبدالحلیم جعفر خاں اپنے مضمون ’’امیر خسروؔ اور ہندوستانی موسیقی‘‘ میں لکھتے ہیں کہ

’’ستار کی ایجاد حضرت نظام الدین اؤلیا کے دربار میں ہوئی (اور) خسروؔ اپنے پیر و مرشد حضرت نظام الدین اؤلیا کی خوشنودی کے لیے جو کلام پڑھا کرتے تھے، اس میں ستار کی مدد لیا کرتے تھے‘‘

اہل سماع کے مطابق تار کے ساز سماع میں ممنوع ہیں، قوالی میں ستار کی شمولیت سماع سے کس قدر اختلاف کا ثبوت ہے۔