قوالی میں تصوف کی ابتدا اور غیر مسلموں کی دلچسپی اور نعت کی ابتدا

عربی سے فارسی میں منتقل ہونے کے ساتھ ہی قوالی کے مضامین تصوف میں ڈھل گیے۔

تصوف ایک ایسا موضوع ہے جس میں ساری خلق کو خالق کی جانب رجوع ہونے کا پیغام دیا جاتا ہے، اس میں مذہب کی تخصیص نہیں ہوتی، تصوف کی اس لا محدودیت کے باعث بے شمار غیر مسلم بھی قوالی میں دلچسپی لینے لگے۔

قوالی میں نعت کی ابتدا فارسی کلام سے ہوئی، یہ بات اس بنا پر کہی جاسکتی ہے کہ ابتداً قوالی میں عربی نعت کے رواج کا کوئی حوالہ نہیں ملتا، اس کا ایک معقول سبب جو عام طور پر سمجھ میں آتا ہے وہ یہ ہے کہ ہندوستان میں عربی کسی بھی دور میں عوام کی زبان نہیں رہی، بر خلاف اس کے فارسی یہاں نہ صرف قوالی کے عہدِ ایجا دمیں عام تھی بلکہ صدیوں رائج رہی۔