ٹیلی ویژن پر قوالی کی ابتدا

ہندوستان میں ٹی وی بیسویں صدی کے چھٹے دہائی میں آیا، یہاں سب سے پہلے اس کی ابتدا دہلی سے ہوئی، دہلی کے بعد ساتویں دہائی میں بمبئی میں بھی اس کا اسٹیشن قائم ہو گیا، دہلی اسٹیشن سیاسی و سرکاری سرگرمیوں کی تشہیر کا ذریعہ بنا رہا، یہاں فنون لطیفہ کو خاطر خواہ موقع نہ مل سکا، لہٰذا موسیقی کی دیگر اصناف کی طرح قوالی کو بھی بہت کم راہ دی گئی، جس میں پدم شری عزیزہ احمد خاں وارثی، حیاتؔ دہلوی، محمودؔ نظامی، انعام احمد اور نظام راگی جیسے طرزِ قدیم کے نمائندہ فنکاروں کو پیش کیا گیا لیکن ٹی وی پر قوالی کو عام مقبولیت اُس وقت نصیب ہوئی جب بمبئی اسٹیشن نے عبد الرب چاؤش، یوسف آزاد، شکر شمبھو، جانی بابو، عزیز نازاں، چھوٹے یوسف آزاد اور خواتین میں شکیلہ بانو بھوپالی اور رشیدہ خاتون جیسے جدید طرز ادا کے نمائندہ فنکاروں کے پروگرام شروع کیے۔

آج ٹی وی پر اسپورٹس اور فلم کے بعد قوالی ہی سب سے دلچسپ تفریح ہے جس میں ادا آموزی کی منفرد خصوصیت کے باعث شکیلہ بانو بھوپالی سب سے زیادہ مقبول ہیں۔