رشتۂ_تار_نفس سے میں بناؤں چادر

رشتۂ تار نفس سے میں بناؤں چادر

روح کے نور سے بھرپور چڑھاؤں چادر

پتلیاں آنکھوں کی بوٹے ہیں تو پلکیں جھالر

گلشن زیست کے پھولوں سے سجاؤں چادر

عہد طفلی میں رنگا جس نے لباس حسنی

اسی رنگ ریز سے میں تیری رنگاؤں چادر

دھڑکنیں قلب کی سو بار نچھاور کر کے

سر پہ رکھوں کبھی آنکھوں سے لگاؤں چادر

جان و دل اپنی فدا کر کے بہ روز محشر

پیش داور بھی میں آنکھوں سے لگاؤں چادر

جذبۂ شوق سے سرشار میں ہو کر ناظرؔ

گوہر اشک کی لڑیوں سے بناؤں چادر