غلاف_عرش ہے یہ ظل_رحمانی کی چادر ہے

غلاف عرش ہے یہ ظل رحمانی کی چادر ہے

اٹھا لو سر پہ یہ محبوب سبحانی کی چادر ہے

جلوس قادری لے کر چلا ہے قادری تحفہ

یہ چادر غوث اعظم شاہ جیلانی کی چادر ہے

ہے نسبت حضرت سالم میاں کو غوث اعظم سے

قدیر و مقتدر کے فیض روحانی کی چادر ہے

ہے باب الشیخ کا دیوان خانہ خلد سے بڑھ کر

رواں بغداد میں اک قطب ربانی کی چادر ہے

مجھے بھی یاد فرما ہی لیا ہے غوث اعظم نے

جہاں میں ہوں وہاں محبوب سبحانی کی چادر ہے

وہیں عبدالرحیم و افتخار اشفاق و ناصر ہیں

خدا رکھے سبھی کے جوش ایمانی کی چادر ہے

شکیلؔ اپنے مقدر پر مجھے خود رشک آتا ہے

نظر روضے پہ سر پر شاہ جیلانی کی چادر ہے