کتاب: تعارف
مومن کو اردو کا خالص غزل گو شاعر کہا جاتا ہے۔ ان کی غزلیات میں عاشق و معشوق کے دلوں کی واردات، حسن و عشق اور نفسیاتِ محبت کی باتیں ملتی ہیں،مومن کی غزل میں اعتدال اور حسن برقرار رہتا ہے اور لطیف احساسات کا عنصر نمایاں ہوتا ہے،مومن کی زبان میں سادگی اور بیان میں حسن موجود ہے ان کے زبان و بیان میں دلکشی ہے اور وہ اپنی انہی صلاحیتیوں کی بنا پر سادہ سے سادہ الفاظ میں بھی ایک دنیا آباد کر جاتے ہیں،زیر نظر کتاب در اصل مومن خاں مومن کی غزلوں کا انتخاب ہے جو غزلیں ادیب کامل جامعہ اردو کے امتحان کے لئے منظور کی گئی تھیں، انھیں غزلوں کو ظہیر احمد صدیقی نے یکجا کر نے کے ساتھ ساتھ، طلباء کی آسانی کے خاطر ان غزلوں کی تشریح بھی کی ہے، اشعار کی تشریح کرنے میں اس بات کا خیال رکھا گیا ہے، مطلب اور مفہوم آسان اور عام فہم ہے، اور غیر ضروری اختصار یا طوالت سے احتراز کیا گیا ہے ۔
رائے دیجیے
Jashn-e-Rekhta | 13-14-15 December 2024 - Jawaharlal Nehru Stadium , Gate No. 1, New Delhi
Get Tickets
